بسم الله الرحمن الرحيم
السلام عليكم ورحمة الله وبركاته
أكيد كل بيت فيه جلسات وكنبات أو على الأقل مساند وأكيد كلها مع الإستخدام راح تتوسخ وتكشر
وتحتاج تنظيف ونتمنى أنها ترجع نظيفة وتبرق زي أول
أخواتي الحوائيات شفت كثيرات منكن تحتار بالطريقة اللي تنظف فيها الجلسة أو الكنب أو حتى المساند
فحبيت أضع تجربتي اللي ما أستغني عنها لتنظيف الجلسات والكنبات والمساند حتى المركاية أستخدم معها نفس الطريقة
البارح بنتي :04: نامت على الكنبة وتبولت عليها :06:
فقلت خل أصور الطريقة لحبياتي الغاليات بنات عالم حواء
هي سهلة جداً جداً وكنت أستخدمها مع كنبات لونها فاتح جداً وتطلع كأنها جديدة تبرررررررررق
مالكم بالطويلة شوفوا الصور مع الشرح
أولاً نشيل القطع اللي نجلس عليها أو المساند اللي نبي نغسلها
ثم نحطها على كرسي أو صندوق شبكي زي صندوق الخضار البلاستيك الكبير
أو حتى صندوق ببسي
ثم نرش عليهم شوية مويا باللي (الهوز ) (خرطوم الماء)
نجيب إسنفنجة وصابون فيري أو الجل العملاق أو صابون داك روووووعة لأنه ريحته حلوة وفيه مادة معقمة
وندعك القطعة حسب كمية ونوعية الوسخ بس عموماً ماتحتاج جهد كبير
ثم نرشهم بالمويا من بعيد ضروري عشان ما تدخل المويا للعمق
وإذا نظفت من الصابون نخليها تجف على راحتها ولو جتها الشمس يكون أفضل
أهم شيئ أنك ماتشلينها إلا متأكدة أن المويا كلها نزلت لأنه مع الشمس تجف من برى بس يبقى فيها مويا من جوى ماتدرين عنها إلا إذا دخلتي القطعة بعد كم ساعة تلاقين الرطوبة طلعت وممكن تبقع إذا القماش فاتح
ثم نرجعهم مكانهم وتطلع زي الجديدة
كان ودي أن مصورة الكنب القديم عشان لونه فاتح جداً والله كنت أغسله ويرجع يلق لق جديد
وكنت أطلع ا جسم لكنبة بكبرها كل سنة وأغسلها لأنه مساندها ثابتة في الظهر ماتتحرك
ويارب أكون قدمت تجربة مفيدة وسهلة واللي يعجبها
لاتنسى تدعي لي بظهر الغيب بدعوة طيبة
