من سنعاتكم تعلمت وحبيت اشارك ولو بشي بسيط كرد للجميل
اشكر هالمنتدى الغالي اللي علمني الكثير والشكر موصول للكل العضوات
فشكرن من قلبي لقلوبكم
انا اقوم الساعه 5,45 واصلي الفجر واقرا الورد واذكار الصباح
ثم سيده للمطبخ اطلع ايدام الغدا
و اسوي دلة حليب صغيره
وطريقتي سهله اشغل الهيتر(الغلايه)
واحط في الدله السكر وحليب ابو قوس وليبتون
واصب عليه الماء بعد مايغلي
واطلع الصمون وامسحه بالبنت بتر كل الكيس واسكره
واحط جنب سلة الخبز صينيه فيه دلة الحليب والاكواب بس مقلوبه
DSC00421
ماصورت الاكواب والصينيه
واروح اصحي ابو العيال و بنتي للمدرسه طبعا بالليل مطلع المريول والشنطه وملابسها الداخليه <<لازم تغيرها كل يوم الصبح معودتها على كذا
والشراب والجزمه - وانتو بكرامه- وشنطه الشعر(الربطات والشرايط والكريم والمشط)
كله بالصاله تلبس عشان اخوها نايم بالغرفه
طبعا بعد ماتلبس وتفطر بالمطبخ
حطيت زوليه بالمطبخ واصدرت قرار بمنع الاكل خارج حدود المطبخ
والحمد لله كن الصاله نظفت شوي ,, بس شوي
الا ابو الشباب لابس وخالص يفطر ايضا في المطبخ بس على طاولة الاكل
ثم يفلحون كلن لشغله
اروح اول شي : للمطبخ افتح درج المنظفات طبعا فيه علبة مويه فاضيه انا مخليتها فاضيه لهالغرض
DSC00422
اصب فيها شوية مطهر داك (احيانا ازيدها شوية صابون) وماي وبس ارجها
واروح للحمام ارش منا ومنا واخذ معي من المطبخ هاربك وارشه على التواليت من داخل وعلى المرحاض
اطلع واروح الحمام الثاني ونفس السالفه
اروح اخذ الغسيل واشغل الغساله
ارجع للحمام اخذ المكنسه الخاصه بالحمام وافرك البلاط
ثم من فوق الصيدليه حاطه سله فيه اسنفجه (حقت المواعين) بس خاصه للحمام+منظف المرايا+ منشفه صغيره
اغسل بالليفه مغسلة اليدين والتواليت من برا طبعا بالصابون
بالفرشاه حقت المرحاض افرك المرحاض
ارش منظف القزاز على المرايه وامسحها
ثم
بهوز الما ارش على مغسلة اليدين والتواليت والارضيه
امسح البلاط من الماي بالشطافه
وخلصنا
اروح الحمام الثاني ونفس الشي
,,,,,,,,,,,,,,,
اكنس غرفتي على السريع
ثم غرفة العيال افتح الشباك وارتب سرير بنتي
يصحى ولدي واقول له روح غسل وجهك
واذا ماصحى اخليه براحته بيقوم بدري لانه ينام بدري اللهم لك الحمد
ونصيحه مو زين الصغار يتعلمون على السهر ياثر على مستوى الذكاء عندهم وقدرات التركيز والانتباه سبحان الله نومه الليل نعمه من الله
ارتب سريره واكنس الغرفه على السريع
والممر اللي بين الغرف والصاله
اروح احط الفطور لولدي طبعا مايحتاج بس اصب الحليب بالكوب
واطلع الصمونه
انزل الصينيه على الارض واخليه يفطر براحته
اروح للصاله امسح المكتبه والتلفزيون بالمنفظه حقت الغبار ويوم ورا يوم امسح بمنظف المرايا وامسح بفوطه
وامسح التلفزيون
ثم امسح بفوطه ثانيه خاصه بالجلسه (شفتو العلبة الماي اللي قبل حقت المطهر الحين لها دور بعد)
املاها بشوية مطهر وماي وارشها على المنشفه واعصرها وامسح فيها الجلسه
ثم اكنس الزوليه واطويها
اكنس البلاط
اروح اولع الجمر
واجيب منشفتي الخاصه بالسيراميك المشقوقه سبق طرحتها باحد المواضيع::
طبعا النب(المكنسه ام خيوط) الي يمسح بها السيراميك ,,مقاطعتها من سنين
والشغاله كانت تمسح بمشفه مخصصه للارضيه بسطل فيه مويه ومطهر داك
والحين توهقت يوم راحت ظهري اصلن يعورني من اصابه سابقه بس الحين لازم اعتمد على نفسي واخذ المنشفه واقصها بالنص لا ماصارت جزئين بحط صوره توضيحيه
الخط الاحمر هو مكان القص
وتدخلينها بالمساحه اللي تسحبون فيها المويه من البلاط
هذي هي
وتمسحين ولا احلى وبعدها تطلعينها وتغسلينها اذا فيها شي وتغطسينها بالمطهر ومره ثانيه تلبسينها الممسحه وياسلام
لا الم ولا تعب وبسرعه تخلصين
وامسح البلاط من غرفتي لغرفة عيالي للممر للصاله
اجيب الجمر واحط عليه حبة معمول واخليه شوي بغرفتي ثم بالصاله
وياعيني على الريحه الزينه على ريحة النظافه
وبس خلصت
اروح افطر << اصير مشتهيه اكل
والساعه تقريبا 8 او 8,30 بالكثير
انشر الغسيل
واجي افتح النت لين عشر << ساعتين الحمد لله
ثم اصحي ولدي الصغير واغير له وافطره
واروح اسوي الغدا
بعد الظهر غالبا على النت
او اسوي كيكة او حلا
المغرب اذاكر لبنتي وارسم مع عيالي والعب معهم
بالعربي هالوقت للعيال
وبعدين نتعشا وننام بدري 9 لان مافيه قيلوله
والحمدلله رب العالمين
هذي طريقتي
اللي عندها اضافات اوسؤال او تعقيب اتقبله بصدر رحب
وعلمونا وش طريقتكم:angry: