طريقتي في تنظيم نوم طفلي البالغ من العمر شهر واحد فقط ..

مرحبا يا بنااات ..
اكيد موجود منكم اللي طفلها متعبها من ناحية النوم خاصة اللي دوبها والده ( زي حالاتي)
المهم انا دحين متبعة خطة معينة امشي عليها البيبي حقي .. خاصة لمن سمعت انه كل الناس بيقولو اي وقت ينام فيه انتي حطي راسك و نامي جنبه ..

بس بصراحة انا ما اقدر على كده , خاصة اني من النوع الحركي واني احب اجلس مع زوجي مررة كتير ..

فا مني متعودة اني اخلي وقتي كله نوم×نوم .. فا ابتكرت خطة جديدة ( بدل ما انا اعود نفسي على نومه .. بأعوده هو على نومي )

في البداية اول ما ولدت كنت مقررة اني ارضعه من صدري طول النهار و على اخر وجبة اعطيه رضعه قارورة(الصناعية)
بس ما عملت حساب انه كل شوية راح يقوم عشان ياخد رضعه على بالي انه رضعه وحده و خلاص الين ما انا اقوم من النوم
بس بعد ما شفت انه بدا يقوم كل شوية جيعان (غلب حليب البقر على حليب صدري ) و صار كل ما احطه على صدري يفرفر بكى من الجوع ..

المهم ..
سرت اعطيه قارورة كل ساعتين في البداية وكنت استخدم حليبs26gold
وكنت اعطيه 2 سم +1 مكيال من الحليب .. ده الكلام في بداة اول اسبوعين وكنت ارضعه كل ساعتين

وشوية شوية زدت كمان سم سرت اعطيه 3سم + 1 ونص مكيال من الحليب و سرت ارضعه كل 3 ساعات

و بعدين لاحظت انه ما بتكفيه( ماشاءالله قل هو الله احد) في العمر 3 اسابيع
سرت مررة اخليها 4سم+2 مكيال
ومرة 3 سم على حسب

المهم الحمدلله و بفضل منه خلص ولدي الان شهر
سرت احطله الحليب 4 سم + 1ونص مكيال من الحليب + نص مكيال من بودرة السيريلاك

والحمدلله وبفضل منه ونعمته عليا انه نومه بدأ ينتظم وانا لسه ما خلصت الاربعين
وفي نفس الوقت الحمدلله شبعان

و الحمدلله ببدأ انام كويس مرة و مرة طبعا لا اذا كان في مغص ولا بيشتكي من البامبرز ..

و على فكرة على حكاية السيريلاك ( لو احد قال انه تقيل على بطن البيبي خاصة انه مررة صغير في ده العمر و اعطيه هو .. (( كل اللي اعرفهم اعطو اطفالهم و الحمدلله دحين اطفالهم مشاءالله عليهم كبرو و دخلو مدارس ))

اما المغص كنت احط لولدي الدوا مع الحليب و الدوا اسمه اعتقد دنتونكس شئ زي كده .. و الحمدلله مرررررة ماشي معاية تمام ..

اتمنى اكون افدتكم بخبرة شهر مع ولدي .. بس انا تهمني راحتكم زي ما تهمني راحتي كمان :smheart::heart:



لو اي احد قدر ينظم نوم طفله بطريقة تانية ياريت تفيدوني