^مهلبيه^ @mhlbyh_1

محررة

طريقتي في تنمية ثقافتي الدينيه وتعيني بعد الله على فعل الخيرات ..

بسم الله الرحمن الرحيم

السلام عليكم ورحمة الله وبركاته ..

أخواتي الحوائيات ..

مره رحت المكتبه بشتري لأولادي نواقصهم ..

وشفت دفتر محاضرات كبير أعجبني .. وشريته ..

ويوم رجعت للبيت .. تحسفت إني أخليه للشخبطه .. لإني تخبرون ماني معلمه ولا طالبه ..

وأنا قاعده أتصفح مجالس الإيمان دخلت موضوع حلو كان عن التقوى .. وقراته وحسيت إن المعلومات مو غريبه علي والموضوع دخلته قبل هالمره .. بس المعلومات ماتثبت .. ومن أقوم من الكمبيوتر تتبخر أغلب المعلومات ..

فقلت ليش ماأخلي هذا الدفتر لمواضيع مجالس الإيمان .. أي موضوع يعجبني وفيه فايده أدونه في هالدفتر ..

وفعلا صرت أدون فيه أي معلومه أو فائده أو نصيحه .. والحمد الله صارت تثبت المعلومات لأن القرآه مع الكتابه سبحان تثبت المعلومه .. وصار هالدفتر يعيني بعد الله على الطاعه وفعل الخير ..

مثلاً .. فيه صفحه مدونه فيها عن فضل العفو عن الناس .. فإذا ضايقني أحد وحسيت إني شايله عليه في خاطري .. أفتح على الصفحه وإذا قرات عن فضل العفو أرتاح وأسامح بقناعه تامه ..

وأنتي عاد قيسي على ذالك .. في فعل الخير مثل الصدقات وقيام الليل وفضله .. وغيره ..

والحمد الله لي خمس شهور تقريباً .. وحسيت فيه فرق كبير ..

للعلم أنا متابعه لمجالس الإيمان من سنتين وزياده .. ومع ذالك .. نادره المعلومات اللي ثبتت .. طبعاً هذا قبل مااستخدم فكرة الدفتر ...

أستفدت فحبيت إني أفيدكم ..

فأتمنى إني أفدتكم ..

دعواتكم لي بالحلم والأناة ..

يلزم عليك تسجيل الدخول أولًا لكتابة تعليق.

تسجيل دخول

طلع لي البكي • 14 سنة

ما شاء الله بسويها
الله يعيننا ع ذكره و شكره وحسن عبادته

ورده الجوري • 14 سنة

{بارك الله فيك فكره رائعهـ,,
كذلك يمكننا الاستفاده من هذا الدفتر عند سماع او مشاهدة محاضره في التلفزيون او راديو او النت
وتدوين كل قيم ومفيد تم معرفتهـ,,,
الله يوفقك لكل خير وينفع فيك الاسلام والمسلمينـ~

اسرارالفجر • 14 سنة

فكره رائعه يالغلا ان شاء الله انفذها

^مهلبيه^ • 14 سنة

اسرارالفجر :

فكره رائعه يالغلا ان شاء الله انفذها

فكره رائعه يالغلا ان شاء الله انفذها

هلا باختي الحبيبه ..

اللهم امين ..

وان شاالله تفيدك يارب ..

مرحبا باختي الغاليه ..

كلامك صحيح .. وفعلاً أنا دونت كذا فائده في دفتري من محاضرات سمعتها .. محاضره كانت عن تربية الابناء .. ومحاضره للداعيه عبدالمحسن الأحمد .. واستفدت منها كثير ..

جزاك الله خير لمرورك الطيب وتعقيباتك الرائعه ..

هلا بك حبيبتي ..

وان شاالله تستفيدين منها يارب ..

شهقه فرح • 14 سنة

جزاك الله خير