طريقتي في حشوه السنبوسه

انا احط البصل اول احمسه مع البهارات وشوي زيت لحد مايصير لونه اصفر
وبعدها اضيف اللحم واقلبه وبعدها اضيف جز مبشور وقبل الختام اضيف بقدونس مفروم

فيه حشوة ثانية غير اللحمه
اللي هي بطاطس مبشور وجزر مبشور وكوسه مبشوره وشوي ملفوف مقطع اعواد رفيعه
تحمسينهم مع البصل والبهارات وتضيفين شوي ماء لحد ماتنضج الخضار وتنشف مويتها
طعمها مره لذيذ وتنفع لسمبوسة البف

فيه حشوة البيض المسلوق مع الجبن السايل والفلفل الاسود تهبل وفيه حشوة التونه مع جبنة الكيري وحشوة مبشور النقانق مع مبشور الجبن مره طعمه واخيرا سنبوسة الكبده بعد تكشينه بالبصل والبهارات

نفس طريقة شيهانة الخير الاولى بس بدون جزر

حشوتي .. اكشن اللحمه مع البصل والبهارات واضيف بازلا واذا حبيتي جزر مبشور واذا طفيت النار عنها اضيف الكراث مقطع صغير والبقدونس واحشي السنبوسه واسوي لها صوص اكون حاطته في نص صحن السنبوسه في صحن صغير الي هو ( في الخلاط .. خيار +طماطم +جزر + بقدونس+ قرن فلفل حار+ شوية خل + زيت زيتون +ملح ) وافرمهم فرم ناعم مررره ..
وحشوه ثانيه .. نفس طريقتك باللحم المفروم بس بدون خضار واضيف عليها جبنه كرفت مبشوره ..