طريقتي في حفظ القرآن الكريم

السلام عليكم ورحمة الله وبركاته


بدخل في الموضوع على طول

بقولكم عن طريقتي في حفظ القرآن طريقه مرره سهله ومريحه
احفظ طول ايام الاسبوع ويوم الجمعه اخليه للمراجعه

يعني ابدا السبت احفظ صفحه كامله اول اسمعها من الشريط عشان اتقن التجويد ونطق الكلمات بعدين اخذ كتاب التفسير وأقرأ تفسير الصفحه كامله عشان يسهل لي الحفظ وعشان اكون فاهمه تفسير الايات اللي جالسه احفظها
واضل طول اليوم احفظ فيها كل ما لقيت وقت فاضي اخذ المصحف واحفظها وإذا جاء اليوم الثاني وشفت نفسي اتقنت حفظها ابداء في الصفحه التاليه بنفس الطريقه اما اذا شفت نفسي ما اتقنت اضل احفظ فيها لحد ما اتقنها حتى لو ضليت في الصفحه الوحده 3 ايام المهم ما انتقل لصفحه جديده الا وانا متقنه حفظها ولا اضغط على نفسي اني لازم انهي حفظ هدي الصفحه في نفس اليوم كنت اول اضغط على نفسي بس ما كنت اتقن الحفظ
ولما يجي يوم الجمعه اراجع فيه كل الصفحات اللي حفظتها في دا الاسبوع
والله يابنات هذي احسن طريقه مشت معي وحسيت اني متقنه الحفظ صح

وانصحكم بتفسير الشيخ عايض القرني لانه مررررره سهل وميسر

هذي طريقتي وحبيت افيدكم اللي تعجبها الطريقه واستفادة منها تدعيلي ربي يعينني على حفظ القرآن كامل لانه امنيت حياتي اني احفظه
وتدعي لاهلي ربي يحفظهم لي

وموفقين وربي يعينكم ويسهل لكم حفظ القرآن