السلام عليكم
هذه طرق حفظ المرتديلا والفراوله والاناناس وجبنه البيتزا بالرد الثالث موجوده بالصور
اغلب البنات تعاني من خراب او تلف بعض الاطعمه ومنها المرتديلا لان بعض العوايل ماتستخدمه كله خاصه العوايل الصغيره وحديثي العهد بالزواج:arb: فتفتح كيس المرتديلا وتستعمل منه ربع او نص الكميه وبعدين تضعها باثلاجه فتخترب بعد كم يوم او تجف وبعض البنات تحط باقي الكيس بالفريزر ولما تبي تستخدمه تلاقيه جامد ومتلاصق مع بعض فتتعذب في إزاله الثلج عنه وخاصه للي ماعندها مكرويف او تضطر تأجل الاكله عشان يذوب الثلج وهذه القصه فحبيت اوريكم طريقتي في تخزينها لعل وعسى احد يستفيد منها :39:
هذه الخطوه الاولى نرص 4 شرائح من المرتديلا بكيس بلاستيك جنب بعض
بعدين نطبق او نصفط الكيس بحيث تكون المرتدلا على بعض بس بينهم الكيس هكذا
وبعدين نصفطها مره ثانيه وتكون 4 طبقات بس يفصلهم الكيس
وشوفو اشلون الطبقات وبعدين احتفضي فيهم برف الفريزر وكرري نفس الخطوات لباقي مقدار الكيس وجذيه يتم عندج مده اطول
ولا يخترب بسرعه بعد فتح الكيس ولا ينشف ولا يلتصق وراح تستخدمين قطعه قطعه بسهوله عند الحاجه وإن شاء الله اوضحت الصوره:)
يتبع حفظ الفواكهه
بعدين تصفى وتترك تجف بالمصفاه عدل من الماء
وبعدين تصف في صينيه مفروشه بكيس بلاستيك عشان يسهل علينا نزع الحبات بسهوله بعد ان تجمد بالفريزر:icon28:
وندخل الصينيه الفريزر وبعد ان تجمد الحبات نضعها بكيس بلا ستيك ونحتفض فيها بالفريزر ومتى مااحتجناها نخرج الكميه الي نبي ونعمل منها العصير وغيره :)
والاناناس انقشر حبه الاناناس ونقطعها وبعدين نصفها بالصينيه المفروشه بالبلاستيك وبعد ان تجمد الحبات نضعه بالكيس لوقت الاستعمال
وطريقه صفه تكون بهذا الشكل ولا حظو الكيس المفروش ضرووووووووووووري تحطونه عشان يسهل عليكم فك الحبات بسهوله وتعبيتها وحده وحده
وهذه الطرق اتسهل عليج استخدامها وتضمنين ان الحبات مولاصقه مع بعض وكل حبه لوحده ولو تحتاجين كميه كبيره او صغيره ماراح تتعذبين بخروجا من الفريزر ولا راح تنتظرين الثلج يذوب ولا شئ
بالعكس تاخذينهم من الكيس للخلاط مع إظافه الماي او اي نوع عصير تبون
وبالنسبه للاناناس عندي طريقة عصير لذيذه
اخذي كوبين من الاناناس المثلج +تفاحتين مقشرين ومقطعين مربعات +عصير7 برتقالات
وحطيهم بالخلاط وخلطيهم عدل لمده 5 دقايق وإذا احتجتي ماء زيدي ربع كوب والسكر حسب الرغبه
وذوقي احلى عصير منعش بحر الصيف :39:
وبالصحه والعافيه ويتبع حفظ الجبنه بالرد الثالث