هذا رابط موضوعي منزلته قبل يوم ..
http://forum.hawaaworld.com/showthread.php?t=3087698
وراح ابدأ بسرد احتوائي لمشكلتي التي تؤرقني وكيف تعاملت معها ..بفضل الله ثم فضل الاخوات الفاضلات اللواتي اسدوا لي النصح ...لهم اجمل تحيه ...
طبعا الاخوات ما قصروا ونوروني بكذا معلومه افادتني ...
طبعا مثل ما كتبت بموضوعي الاول انه مشكلته فقط اللامبالاه ويحب نفسه اكثر ومو حاس فينا وواجهته مرة وكان هو متنرفز وقالي من حضرتك عشان اجلس معك ..
طبعا انا اعرف زوجي اذا كان مو طايق نفسه فاسكت لانه يتكلم من لا شعور وانا السبب لاني افتح له المجال في هذا الوقت واتحمل ما يجيني ..
هذا درس تعلمته وما راح اكررة اذا ضااايق اتحاشاااة وبعدها بيجيني ويعتذر ..بس هالكلام في حدود المعقول مو يجي يسب اهلك ويلعنك وكلام كبير وتسكتين لااا كذا انتي بتتركينه يتمادى لازم يكون هناك خطوط ما يتعداها ....
مالكم بالطويله ..
قررت اني احسسه بوجودنا بس من دون ما اطلب منه يراعينا ويقدرنا ومن هالكلام اللي ما يفهمه ..
طبعا دوامه مسائي من 1 الى 5 ع الساعه 3 قمت كعادتي ولمعت بيتي وبخرته وجهزت الغداء كبسة برياني مضبوطه وسلطه وبارد وحطيتها ع طاولة الطعام والغداء في القدر ع الفرن ...
ولبست عيالي واخذت معي لهم تصبيرة وطلعت للبارك " حديقه كبيرة جنبنا حلوووة "
قلت في خاطري ما يسوى علينا نترجااه نطلع وننبسط واغير انا جو واجلس بهدوووء وكان الجو نوعا ما بارد ولبستهم جكيتات وطلعنا ...
وهذي الصور :
هذا بيتنا من برا
عيالي مرة مبسوطين
نكمل القصه :
ولما جاء وقت رجعت ابو الشباب للبيت دق جوالي قلت ما ني راده لانه احتمال يكون لسه ما وصل البيت وبيقول سخني الاكل او انا قريب ...
ودق ثاني اتصال بعدها ب5 دقايق ورديت قال عسى ما شر وينكم قلت ابد في البارك العيال يصيحون طفشانين وقلت اطلع قبل ما يبرد الجو اكثر قال اهاااا قلت له بعدين انت مو تقول دايم طلعيهم ينبسطون ..قال الا بس انا بالبيت طفشان واتغدا لحالي هنت عليكم تخلوني ..
اقول في خاطري ذق ما ذقنا ...
المهم انبسطت انه تمت الخطه و حس بقيمتنا وحس بفرااغ ولعبت عيالي شويااات ..
ورجعنا وكان مرووق وكان يقولي اني من جد جلست 5 دقايق افكر فيكم وينهم ولا شصاير فيهم وغريب ما عطيتيني خبر ومن هالكلام وجلس يلعب مع عياله والعيال يقولون له يا باابا انت دايم تروح الجامعه ودايم تطلع وتخلينا ...وانا في هذا الوقت بينت له غلطه ونفس الشيء كنت صاده عنه لاني مقهورة بس ارد عليه بحدود المعقول وخلاص بس مو مكشرة كذا انفرة من البيت وايضا مو انكت ومسويه جو يعني عااااااااااااااادي ....
وفهمت من كلامه انه في شيء منكد عليه شكله فيه شي صاير عند الاهل ومن خصوصياته ..
ابد وسلامتكم وحبيت اذكركم حلو الوحده تحاول تهدء الامور بدل التعقيد وتكون عقلانيه بتصرفاتها
تحيااااااااااااااااااااااتي ...يا اغلى حوائيات ...
موفقين