طريقتي في صلصه الاسبغاتي

السلام عليكم
مساء /صباح الخير
هذي طريقتي بصلصه الاسبغاتي

اول شي نحمس بصل مقطع صغير مع زيت
الين يصبح شفاف
ونضيف عليه نص فص ثوم والثوم اساسي بالاسبغاتي
بعدين نضيف عليه البهارات والكركم والفلفل الاسود و الصرار ((فلفل احمر مجفف ومطحون ))
وبهار البيتزا (( مكوناته المكتوبه على العلبه : بصل ، ثوم، برقدوش، ريحان ،اوريجانو ))
ونحركه شوي بس علشان تطلع نكهه البهارات
ونضيف عليه صلصه تقريبا ملعقه وملح
ونضيف علبه كامله طماطم معلب ومهروس(( انا جربت بالطماطم العادي بس مايعطي لون احمر وافضل المعلب على الطازج ))
ونتركه على نار هاديه الين ما تثقل

هذي الصلصه
و المكرونه نسلقها مع ملح ومرق ماجي وشوي زيت
اما اللحم المفروم على حسب ماانتي تصلحيه
وممكن بدال اللحم نحط تونه محموسه مع شوي بصل

ولما تستوي المكرونه نخلطها مع الصلصه واللحم وتترك على النار هاديه لمده خمس دقايق الين ماتتشرب الصلصه
وتقدم وتبشر فوقه جبنه البارميزان
وبالعافيه