هذا اول موضوع لي في منتدي الطبخ .. يابنات شجعوني علشان استمر :42:
جايبه لكم اليوم طريقتي في طبخ الحمام الفرنسي اللاحم .. وهو حمام لحمه ابيض ومليان .. ولذيذ ..
تلقونه في سوق الحمام بالرياض ..
اول شي نجيب الحمام ونغسله وننظف من جوا ونشيل اللي داخله ، ثم احطه في القدر الكاتم .. وهذه صورته بعد السلق . تقريبا يكفيه ثلث الساعه اذا كان الحمام من الفريزر واذا كان طازج يكفيه عشر دقايق ..
بوقت سلق الحمام نغسل الرز وننقعه بمويه حاره .. ونسوي الكشنه ..
الكشنه عباره عن بصل مقطع صغير وطماطم وحبتين ثوم .. وشويه صلصه وزنجبيل مبشور ..وملعقه صغيره سمن او زيت .. وفلفل ، وورق غار ،عاد انا احب البهارات .. احط شويه كزبره .. وبهارات القصيم .. شويه كمون وماجي .. وورق غار .. وكركم ..دارسين عدل .. ونضيف عليه كوب مويه من مويه سلق الحمام ..
مويه الكشنه علي حسب كميه الرز اذا كانت كميه الرز كوب تكون المويه كوب او اقل شوي لان القدر الكاتم ما يبغي مويه كثيره ..
عائلتي تحب الرز لونه برتقالي علشان كذا احط كركم ..
وهذه صوره للكشنه :
بعد الانتهاء من سلق الحمام والكشنه يجي الجد .. اطلع الحمام مع مويته .. في قدر ..
-----
نجيب قدر الكاتم واحط شويه رز في اسفل القدر .. مثل هذه الصوره
وبعدين احط الحمام واحط شويه من الكشنه مثل الصوره هاذي
٠٠٠يتبع..
يسلمو يدينك ...يعطيك العافيه