كيفكم اخباركم
صباح الخيرات
ومساء الخيرات (اختارو الي يناسب )
طبعا العيد على الابواب (وكل عام وانتو بخير )
واكيد كل ست او بنوته حلوة دايخه بين الخلطات والكريمات والرجيمات (على الوزن والقافيه)
عشان تطلع احلى وحده في العيد
وان شاء الله كلنا ربي يجملنا خُلقاَ وخلقاَ
واليوم ما جاني نوم وطفشانه فقلت اكتب لكم طريقتي في الاعتناء بالقدمين
طبعا الانثى لازم تهتم بكل شي من الداخل والخارج وبكل جزء في جسمها
وللقدمين نصيب من العنايه والاهتمام
وراح اقلكم طريقتي المعتمده في الاهتمام بها
اول حاجه
اقلم اظافر رجلي وابردها وازبطها
اغسل رجولي بالمويه
بعدين اجيب طشت
واحط فيه مويه دافيه وشوي ملح
وادخل رجولي فيه
واخليها ربع ساعه
اصلا تحسي براحه لمن تدخلين رجلك بالمويه الحاره
وبعدين ارفع رجلي
واقشرها بالحجر الخشن
طبعا في انواع
في حجر طيني وهذا صورته
وفي زي كذا
وكلها نفس المفعول
لين الجلد الميت كله بروح
بعدين اغسلها بمويه نضيفه
وانشفها
واودهنها بالعجيب
والفها بكيس نايلو وهذا اهم شي عشان يحفظ الرطوبه والفازلين
والبس شراب (جوارب )
واخليها ساعتين او 3 او اكثر على حسب فراغي
بعدين اغسلها
واحط مناكير
وهذا احسن بديكير ومنيكير في المنزل لعيونك
واستمتعي بالقدمين رائعتين
طبعا بعد ما تسوين البديكير
لازم تحافضين عليه عشان يستمر
لاتمشين حافيه على السيراميك (مو عشان رجلك بس عشان يضر ويسحب الكالسيوم )
نضفيها ورطبيها يومياَ
وبكذا تكون رجلك اروع ما يكون
مع خالص حبي وتقديري
%الحـــ*_*ـــالمه%
رمضاااااان كريم وبلغك الله قيام ليلة القدر
مشكورة طريقة بسيطة وسهلة وان شااااااااااااء الله اذا زال العجز عني سوف أطبق
بس أختي سؤال غبي احم احم
كيف السراميك يشير الكالسيوم ما فهمت
احم احم اعذري ذكائي المتواضع :$