السلام علييكم ورحمة الله وبركاته
اليوم حابة أشترك معاكم في وصفة من وصفاتي اللي أتمنى أنها تعجبكم واذا أي استفسار أنا حاضرة وهي كبة الدجاج اللذيذة والسهلة
المقادير : من 1 الى 2 دجاجة مسلوقة
4 حبات بطاط كبيرة مسلوق للدجاجتين
و2 للدجاجة
نصف شدة بقدونس مفرومة
2 بصلة مفرومة صغير
بقسماط وبيض
بهارات مثل لومي أسود / فلفل أسود شوية كركم وأي بهارات أنتي تحبينها وملح
زيت للقلي
الطريقة :
1- تاخذين الدجاجة المسلوقة وتفرمينها بالسكين يعطي تقطعينها مثل الشاورما وتخلينه على جنب
2- تهرسين البطاط المسلوق ولاتخلين فيه قطعة مو مهروسة وأيضا تخلينه على جنب
3- في مقلاة كبيرة ( يفضل كبيرة عشان الخلطة ما تخرج برا ) حطي زيت القلي تقريبا 4 ملاعق والنار لا تكون حامية حيل
4- أخذي البصل المفروم وقلبيه شوي لمدة 5 دقايق وضيفي عليه البقدونس وحركيهم جيدا
5- بعد ها أخذي الدجاج المسلوق والمفروم وقلبيه مع الخليط السابق وأخيرا ضعي البطاط والبهارات مع الملح لفترة 10 دقايق ولا يحتاج طبخ كثير لان أصلا كل شي مطبوخ
6- راح تحسين أنها تتلزق معاك وبتصير مثل العجينة اتركيها حتى تبرد شوي بحيث تقدرين تمسكينها وكوريها عاىشكل أصابع صغيرة مثل الابهام بعين ضعيها بالبيض ثم البقسماط
وترى عادي ممكن تتفرزن واللي تسويها تقولي رأيها والسلام ختام
$عصير ليمون$ @aasyr_lymon_1
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
يعطيك العافيه حبيبتي وما قصرتي