طريقتي في فرد الشعر(للشعر متوسط التجعيد)

السلام عليكم و رحمة الله و بركاته


اخبارك يا رب تكونون دايما بخير


أنا بكتب لكم خلاصة تجاربي في فرد شعري واللي تحسنت مع الوقت


اولا أنا أستخدم مملس الأطفال للشعر العادي ، و فيه نوع ثاتي للشعر القوي .


حاولت احط صورته بس ما طلعت


النتيجه : شعري صار سهل الشسوار و غير متعب ماشالله


لكن المشكله الوحيده جفاف بسيط بالاطراف لكن لما احط اي كريم عقب السباحه يروح .
طريقة وضعه : بعد خلط المنتج مثل ما مكتوب بالورقه خلي احد يحطه لك أو روحي للكوفيره خليها تحطه لمده ١٥ دقيه أفضل شي من تجربتي


، وأههههم أههم شي لااااا تمشطه الكوفيره و هو فيه تمليس انتبهي لأنه يكسر الشعر ، المهم قوليلها قبل تبدا شغل .
الحين انا كل ٣ شهور اسوي الجذور عند الكوفيره و تسويلي اياه بالفرشه حقة الصبغ ، والحمد لله مرتاحه من السشوار ، قبل كنت اسشور ساعتين الحين ٥ دقايق ماشالله .


اما الكيراتين و البروتين غالي و نتيجته ضعيفه على قولتهم يا دوب يخفف النكشه ، لا ويروح ب٦ شهور ، وش هالغثا بس .


ولا الخلطات جابت لي نتيجه كنت ازيته و لا يناسبه لان شعري دهني مره ، والحنه ما نفعتني ولااا اي اختراع ، وعارفه في مثلي يعانون ، اصلا اللي ينكش الشعر هو التجعيده اللي فيه مش الجفاف ،


حتى تغذية الشعر سويت كورس عند كوفيره و كنك يا بو زيد ما غزيت .... المووهم هاذي تجربتي واي اسئله انا حاضره .