اهلين حبايبي
انا وزني كان 69 تقريبا وطولي 160
مع الحمل والولادة اتغير شكل جسمي وبطني سارت بارزة وطبعا انا مااهتميت ابدا بعد الولادة اتوقعت جسمي حيرجع بنفسو زي ماكان لكن للاسف جسمي سار مليان سيلوليت وابدا مو متناسق
بدأت مشواري مع الدايت والرياضة من شهر واسبوع .. يعني تقريبا 5 اسابيع للان .. والحمدلله نزلت 10كيلو وانا مرتاحة يعني ابدا ماحسيت بالجوع ولا تعب ولا ارهاق
المهم اللي سويتو بالتفصيل هو
* اشرب تقريبا 8 كاسات موية كل يوم ... الموية حتخليكي ماتحسي بالجوع .. يعني كل ماحسيتي انك جيعانة على طول اشربي كاستين موية . وقبل كل وجبة اشربي موية كتييير عشان ما اكل كتيير
* امشي على السير من 45 - 60 دقيقة يوميا + تمارين البطن ورياضة لكامل الجسم
* احاول اني ابعد عن اي شي فيه سعرات حرارية عالية ... انا حطيت حد لنفسي 1000 سعرة حرارية في اليوم
* طبعا انا افطر واتغدا وغالبا مااتعشى لكن اذا اتعشيت فغالبا يكون تفاحة
* قبل الرياضة ضروووووري لازم اشرب كاسة كوفي نسكافيه بدون سكر .. وترا دا الشي مرا مهم للي بيعملو رياضة
* اذا حسيت بجوع بين الوجبات عادة السناك حقي يكون بسكوت دايجستف لايت حبة وحدة مع كوفي بدون سكر
* كل 10 ايام اعمل يوم مفتوح واكل كل اللي نفسي فييه
هذا هو نظامي تقريبا
الفطور :
1 او 2 توست اسمر نخالة او حبتين شابورة نخالة + جبنة قليلة الدسم او بيضة مسلوقة او الاتنين مع بعض + كاسة عصير او نسكافيه بسكر الدايت
الغداء:
عادة في الغداء :
1- اما انو اكل من اكل البيت لكن ابعد تماما عن المقالي والنشوياات .. ويكون اكلي قليل بحيث انو مااشبع واكتر من السلطة والشوربة
2- او اني اكل تونة علبة صغيرة مقطع عليها خضار صغار مثل ( خيار + خس + جزر + بصل اخضر ) واعصر عليها ليمونة + حبة توست اسمر
3- او اني اسويلي دجاج مشوي في الفرن او سمك ويكون معاها سلطة وتوست حبة وحدة برضو
العشاء :
تفاحة او لبن زبادي قليل الدسم
اتمنى انكم تستفيدوو .. طبعا لسا انا ابغا انزل كمان 10 كيلوووو .. وزني له اكثر من اسبوع في حالة ثباات الله يعيين بس ... :09:
وبالتوفييق:27:
Bella lulu @bella_lulu
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
عقبالي ان شاء الله انزل هالعشرة كيلو وارتاح