الله يسلمج يارب بس ياليت تجربينها وتحكمين

تحياتي :26:

دعوة لكل بنات حواء الحلوين ............ لتجربة أحلى ورق عنب ذقته في حياتي ........... رائع يا لاتنسوا أسرانا ..... تسلمين بصراحة أول مرة أسوي ورق عنب بهاللذاذة ..... عادة أسوي نفس اللي بكتاب المطاحن أظن تعرفينه ويكون لذيذ بس هذا بصراحة صك عليه عدل .......... وتدرين مقاديرج وايدة كانت .... فآنا حطيت شوي أقل يعني البصل حطيت 10 والطماطم همن حطيت 10 ومكعبات الماجي حطيت 9 ..... وطبعا البهارات راح يكونون أقل طبعا ................ وهمن زيت الزيتون حسيت كوبين وايد حطيت يمكن كوب وربع أو كوب ونص موأكثر
بس من صج لذيذ لذيذ ......... يلة بنات تفضلوا على المطبخ وطوالي سووا الخلطة ..... وآنا إستغليت وجود خدامة أختي عندي عاد خليتها تلف ورق العنب وماتعبت نفسي كلش ... بس سويت الحشوة .....وحطيته على النار بالنهاية وإلتزمت بطريقتج بحذافيرها .......... وفي شغلة ترى سويت الحشوة من باليل وخليتها في الثلاجة وخليت الماي مالها بروحه .......... واليوم الثاني إهي لفت ورق العنب وخلته بالثلاجة على مارديت من برة وعاد على طول حطيت عليه الخلطة والزيت والماي وعلى النار .............
أدري تكلمت وايد بس والله من زود فرحتي فيه .... وجزاك الله خير يالغالية ... ولاتحرمينها من اطباقج السنعة ... وأذكر قبل لمن سويت لج رولات اللزانيا وكانت صج لذيذة ...

ألسلام عليكم هل ينضج ورق العنب فى الفرن لانى دايما اطبخة على النار ويحترق نصفة وعلى فكرة الماجى ضار بالصحة كيف تستخدمينة الى الان

الله يفرح قلبج يارب ويسعدج مثل مافرحتيني وبالعافيه على قلبج
وانتي ثاني وحده تأيديني بعد الاخت نالو
وبالنسبه لطريقه المطاحن ماجربتها ولاشفتها
بس عموما اذا قللتي الكميه اكيد بتقللين كل شي حسب حاجتج بس انا حطيت كمية تكفي 4 طبخات تقريبا .. كل طبخه فيها لتر من الحشوه بدون خضره ولا رز.. بس اهم شي لاتحطين بصله وحده اوطماطه وحده لان البصل والطماط يطعمون فيها بس لاتكثرين معجون الطماط حطي عليه وحده بس
وصدقيني انا من النوع اللي اجرب الطبخات مايهمني وسويت ورق عنب من المنتدى تقريبا 3 طرق او طريقتين لان عندي امل اني الاقي احلى من طريقتي بس كلهم مو نفس طعم طريقتي..مع انهم يبالغون في مدحها .. ووحده منهم الله يديم النعمه
وانا والله اسوي الحشوه واقول لخدامتي نبي ورق عنب الليله واهي بس تطلع الحشوه وتضيف الخضره والعيش وتسويها مايبيلها شي يعني مريحه عمري .. وحلو اذا عندج مناسبه تريحج
واتمنى الكل يجربها مثل ماجربتيها انتي والاخت نالو
اتمنى تردين تسوينها مع ماي الحشوه وتحطينه من الاول
ودوم الفرحه يارب والله يجزاج خير يوم فرحتي قلبي ويوم قلتي لبنات المنتدى يجربونه.. وفعلا اللزانيا كانت حلوه
وراح احط سلطة الشمندر في قسم المقبلات روعه

تحياتي :26:

عليكم السلام والرحمه

حبيبتي ورق العنب ينضج بالفرن .. بس انا قمت اسويه على النار يطلع اطعم لانه يطلع ناشف شوي .. بس ليش يحترق ؟؟
انتي حطي طبقه حلقات بطاط تحت بالجدر وصفي فوقه ورق العنب وخليه يغلي 5 دقايق وبعدين قصري النار اقل شي واذا حسيتي نشف الماي حطي حديده تحت وماراح يحترق
وعادي حطيه بالفرن بس يمكن ياخذ ورق اكثر .. بس ميزته تقدرين تحطينه في طبق بايركس او تيفال وتقدمينه بنفس الشكل

وجربي الطريقه مع الملفوف الابيض اللي فيه خضار خطير طعمه
اما الماجي مااقدر استغنى عنه لانه لذيذ ولاقريت اضراره وكله على الله .. اصلا كل اكلنا يضر لانه محفوظ ومعلب.. واصلا لو سويتي طريقتي بدون ماجي ماراح تطلع حلوه

تحياتي :26: