فلوووووونه

الله يعافيج يارب
وانا ماحب اخاطر لان طريقتي لذيذه واخاف اضيف نعناع مايعجبني ويروح كل التعب
بس بجرب شويه مع جم حبة ورق عنب بجدر بروح واقولج النتيجه اذا سويت حشوه ثانيه لان الحشوه اليل اسويها بالفريزر ماتقعد كله نسويها
والعفو ياقلبي وبانتظار تسوينها بس بدون نعناع عشان مايتغير الطعم .. وبعدين سويها بنعناع واحكمي

تحياتي :26:

هلا وغلا مرة ثانية بببببببببلا تنسوا أسرانا.

.. تدرين توني ياية من المطبخ مسوية الوصفة الأساسية بس شوووووووووووووو

تدرين شو صار.. نزلت الدموع مب أربع أربع الا عشر عشر ..

خليت الشغالة ويا الصغارية وكنت توني راجعة من برع.. وفيني عزيمة أسويه وبعد عندي عزيمة على تقطيع البصل.. نسيت انه كمية..

المهم قلت البصل ولا اليهال.. وعاد أنا حطيت 11 بصله لأنهم صغار.. قشرتهم كلهم وبس قطعت فرمت وحدة لاكني والله ماقدرت أتحمل.. سرت للصغارية وخليت الشغالة تقطع الباقي.. وعاد بعدين رجعت وقطعت الطمام بس شوووووووو خذ مني وقت وايد لأني فرمته بذمة..

ألحين عاد بختصرلج الباقي.. سويت نفس مقادريج بالضبط بس بصلة أزيد وحطيت الثوم.. والصلصة كرتونة ونص ( أنا أستخدم لاكنور انتي شو تستخدمين ؟؟!! ) والليمون هنتين ونص حجم كبير.. بس بالنهاية كانت الخلطة متناسقة بالطعم.. وعلبتهم بأربع علب ألمونيوم.. وانشالله باجر بسوي الباقي..

بهالشغلة تندمت من فترة ماخذت فرامة.. كنت بخذها بس بعدين قلت ليش وأنا عندي شغالة.. بس بصراحة ألحين حسيتبها ضرورية..

خبرتج قصة اليوم الجزء الأول.. وانتظري الجزء الثاني انشالله.. واسمحيلي على الاطالة.. بسألج بأي شهر انتي ألحين؟؟!! والله يسهل عليج وعلينا انشالله..

هلا والله بالمسافره
قصتج تصلح مسلسل كوميدي خخخخخخخخ :42:
انا اقطع البصل والطماط في خلاطه براون مادري مولينكس .. المهم انها كبيره ومريحتني في التقطيع واحسن من خلاط الدولكه اللي يخلي الطماط جنه عصير .. لان خلاطتي تخليه كانه مبشور
وانتي بدال لاتقطعينه بالسكين ابشريه بالمبشاره
صدقيني انا مااستغنى عن الخلاطه مريحتني حيييييييل فوق ماتتصورين خصوصا اذا بتفرمين الخضره وتبشرين الجزر.. وتريح اذا بتفرمين الطماط وتقسمينه باكياس للمرق اذا شريتي كميه كبيره او اذا ماعندج خدامه.. ومرات ابشر فيه البصل والثوم واحطه بالفريزر
ومادام ماعندج خلاطه جان سويتي كميه تكفي حق مره وحده بس
والاحسن تحفظينهم بعلب نايلون اخاف يصدون من الحموضه
بالنسبه للمقادير عادي غيري فيهم لاني كل مره اغير بس الافضل بدون ثوم والصلصه لاتكثرين عن وحده اطعم .. وانا استخدم صلصة طماطم كي دي دي

بس انا متشوقه للجزء الثاني من القصه لايكون ماطلع حلو :11:

انا دشيت التاسع والله يسهل على الجميع
وترا مانسيت اللي بالخاص برد عليج بس نطري شوي بتاكد اكثر

تحياتي :26:

المسافرة تدرين تراني ماعندي فرامة ولاشي .. بس خليت خدامة أختي تفرم البصل والطماط صغير كلش وصدقين ذاب بس حطيته على النار وصار روعة .. وعلى طاري المعجون تراني حطيت علبة ونص بعد .... والليمون حطيت ستة .. ثلاثة مع الخلطة وثلاثة بالنهاية على الويه ....
لاتنسوا أسرانا عطيني رقم المولينكس اللي عندج ولا عليج أمر

صدقج المكينة أحسن بس أنا كنت مستقوية الصراحة.. بس عشان أضبط الوصفة سويت مثلج بالضبط..

وعلى طاري العلب.. يعني أغيرهم بكيس. تهقين أحسن من الألمنيوم.. خبريني عشان ما أخسرهم.. تعبت والله بالخلطة

والصلصة بس حطيت واحد ونص وماعتقد بيأثر وايد.. وانشالله بيضبط ويايه.. ولأني تعبانة شوي اليوم والا جان كملت الجزء الثاني.. بس انشالله اليوم العصر أو باجر اذا الله راد وأبقانا..

ومشكورة الغالية عالرد السريع.. وبانتظار ردج عالخاص.. والله يسهل عليج انشالله

مشكورة رقيقة عالرد.. وانشالله ببلغج عن التجربة.. وأنا بعد أبقي أعرف رقم المكينة..