السلام عليكم
كيفكم اخواتي
موضوعي موجديد
طبعا ورق العنب الاكله اللي يحبها الصغير والكبير
ونادر تلاقين سفره تخلو من هالطبق اللذيذ
ماراح اطول عليكم باشرح لكم طريقتي في ورق العنب ولكن بدون صور اعذروني
المقادير رقم 1:
بصل مقطع صغير- طماطم مبشور-ملعقتين ك صلصه طماطم - بقدونس ونعناع وكزبره -3ملاعق ك دبس الرمان- حبة ماجي - فلفل اسود رشه - رشه كمون -رشة ثوم مطحون -بهارات مشكله ملعقه ص -رشة كاري -
رز مصري
زيت ملعقتين ك-
المقادير رقم 2:
بطاطس وبصل وطماطم كلهم حلقات
واخيرا السر الخطير(ليمون اصفر شرائح ونعناع جاف وشبت زيت زيتون نص كاس )
الطريقه :
1-تكشنين البصل والزيت وتضيفين المقادير رقم 1الى ان تتسبك وبعدين تضيفين الرز ويكون مغسول ومنقوع في الماء ربع ساعه
2-طبعا تلفين الورق وانا افضل ورق عنب اورلاندو
3-اذا خلصتي من لف الورق نجي لاهم خطوة
اول شي حطي شوي زيت في القدر وبعدين اضيفي البصل الحلقات والطماط والبطاطس وحطي عليه شوي شبت بعدين صفي الورق الملفوف
4-حطي فوق كل طبقه شرائح الليمون ورشة نعناع جاف وهذا السر الخطير في المذاق الرائع
5- اذا صفيتي الورق حطي فوقه شبت وصبي عليه (3كاسات ماء مغلي -حبة ماجي -رشة فلفل اسود رشه ثوم مطحون -رشة بهارات - رشه كمون -ملعقتين ك دبس الرمان )وحطي الصحن الصين فوقه واضغطيه شوي
6- الطبخ يكون على نارهادئه والقدر يكون عليه قصدير وخليه يطبخ لمدة 3ساعات اوساعتين ونص
7-بعد مايستوي افتحي القدر وعلى طول صبي عليه نص كاس زيت زيتون واكتميه بالقصدير وغطيه ولاتفتحينه الا وقت التقديم وشوفي كيف الطعم
باختصار يابنات :
الفكره في طريقتي هي شرائح الليمون والنعناع الجاف وان زيت الزيتون ماتحطينه الابعد مايستوي
اتمنى ان طريقتي تعجبكم :)
واتمنى بكل صراحه انكم تجربونه وبدون مبالغه راح يكون احلى ورق عنب ذقتيه في حياتك
وراح تسعدني مشاركتكم في موضوعي:icon28:
لكم ودي ومحبتي :26:
123هيه @123hyh
محررة برونزية
يلزم عليك تسجيل الدخول أولًا لكتابة تعليق.
ام الفهود 2005
•
تسلمين غلاتي
الصفحة الأخيرة