حبيت اقولكم على طريقتي في حف او نزع شعر وجهي اللي عرفتها قريب ولا صرت اعني من حبوب والتهاب وقرف بعد الحف اللي الكل يعاني منه..
انا اول مره حفيت شعر وجهي كانت قبل 3 سنين تقريبا وبشرتي دهنيه .. جاتني وحده سوريه في البيت وعملتلي شمع بالطريقه العاديه اللي هي تذوب الشمع بالاله وتشيل فيه..
المهم انتهت من الحف وقالت لي حطي زبادي ونشا مويا ورد ومن هذا القبيل عشان يبرد عليك..
سويت اللي قالت عليه وكاانت النتيجه ولا اروووووع بحكم اني اول مره احف وجهي وانبسطت نعووومه وصفاء..
وما طلعت حبوب ..بعد سنه تقريبا عملت نفس الطريقه..
لكن تفاجئت بعد اسبووع بالحبووووووووب وانتشارها في مكان الشعر ... وكل الناس اللي اعرفهم صار معاهم نفس الشي انه الحبوب ما تلع من اول مره..
تأزمت نفسيتي ورحت عالجت الحبوب وصرت اشقر شعر وجهي وحرمت الحف ..
وسألت دكتورتي عن افضل طريقه ماتطلع حبوب وقالت لي ماافي الا الليزر او التشقير..
طبعا انا ما اقتنعت ..
واكتشفت انه سبب الحبوب هو التلووووث من الشمع المستخدم وايضا انه بعد الحف يكون المسام مفتوح ولازم نعقمه لمدة 3 ايام على الاقل..
فإليكم طريقتي اللي الحمدلله سويتها 3 مرات والحمدلله ما طلعت حبوب ولااا شي مع ان بشرتي دهنيه..
اولا نحتاج الى :
شمع فيت للوجه ( موجود في الصيدليه والسوبر ماركت ) وتأكدو انه للوجه مو للجسم..
كريم كينا كومب
مسحات طبيه ( ايضا من الصيدليه )
مرايه كبيره
الطريقه:
حددي المكان اللي يكثر فيه الشعر زي الجبهه مثلا والشارب والدقن ..
اغسلي يديك جيدا ونشفيها..
خذي من المسحات وامسحي المكان اللي ودك تحفيه وامسحي كويس رايح جاي واتركيه يجف..
خذي الشريحه من الشمع وحسب طريقته الي موجوده على العلبه ( اذا كان حجمها كبير على المكان قصيها بالمقص ) وانزعي الشعر..
وبسررررررررعه حطي مره ثانيه مسحه على المكان اللي حفيتيه عشان لا يتلوث..
وبعد ماتنتهين من الحف ومسح المكان كاامل بالمسحه الطبيه حطي كريم كينا كومب وكل ماتغسلين وجهك حطي لمدة 3 ايام على الاقل..
طبعا اول يوم حيكون فيه لون احمر وحبوب صغيره لكن ثاني يوم تختفي ...
يشهد الله علي اني مرتااحه على الطريقه..
وما ابغا الا دعواتكم بزوج صالح تقر به عيني..
اللي تجربها تكتب النتيجه هنا..
أي استفسار انا حاضره