حبيت اقولكم طريقتي في فوط المطبخ اللي مرتاحتلها وضامنتها وعلمت شغالتي عليه وراقبتها لما اتقنتها :D
انا مناشف المطبخ ثلاث اقسام شيء لليدين وشي للمواعين وشي لتمسيح الارضيات
اللي لليدين احط وحده على باب الفرن للتمسيح وانا اطبخ لو لمست شي من الطباخ امسح يدي على طول بالممسحه هذي :cook::angry:
والثانيه على باب الدولاب اللي تحت المجلى عشان بعد الغسل امسح يدي حتى ماتبقى رطبه وتتشقق بعدين
المهم
النوع الثاني للصحون والمواعين بعد الغسل تتفوط وتدخل الدواليب
والثالثة للارضيات السيراميك مع المطهر
وهذي كل يوم تتغير وعلى طول بالغساله اللي فيها صابون وكلوركس وصابون الوزير وادعكها من البقع اللي فيها باليدين وبعدها احطها بالغساله واشطفها بكانفورت ثم احطها بالنشاف الحار 10 دقايق وتطلع نظيفه وريحتها ولا احلى
ثم اطبقها بترتيب واحطها بدرج خاص بالمطبخ
وعلى فكره كل فوط المطبخ اخليها لونها ابيض عشان إذا بين فيها الوسخ ما استعملها
وعندي غساله صغيره مع نشافها خاصه لفوط المطبخ والمسكاتواي شيء للتنظيف
اما تمسيح اسطح المطبخ والطاوله استخدم الفوط المربعه اللي تنباع في بنده امسح ثم اغسلها وتالي اليوم اعقمها بالميكرويف دقيقه وانشرها حتى تجف واستخدمها باليوم الثاني نظيفه ومعقمه
ونفس الشي للاسفنجه اغسلها باخر اليوم واعقمها بالميكرويف واجففها لليوم الثاني وهكذا كل يوم
ارجو اني افدتكم بطريقتي واللي عندها طريقه افضل لاتبخل علينا
انا بالنسبة لي فوطة اليدين معلقتها على باب الفرن علشان امسح يدي اثناء الطبخ واحدة تحت المجلى
بالنسبة لاسطح مطبخ ومائدة كنت استعمل الفوط بس بدلتها برول المطبخ بالنسبة لي عملي اكثر حاطة بخاف فيه ديتول وكل شوي ابخ منه وامسح بالمنديل وارميه ريحني كثير
بالنسبة للاسفنجة يوميا اغسلها بالليل وانقها بشوية موية حارة واغسلها واحطها تنشف للصباح
الفوط الثانية ممكن ما اغيرها على يومين ماعندي احد بالبيت انا وزوجي ولا احد يدش مطبخي