طبعا الغرفة بالاساس لونها بنفسجي فاتح مايل للسماوي ولانو اشتريت لهم اثاث من ايكيا وكانت الوانو سادة مافيها الوان فرفوشية
فحبيت اسوي شئ اضافي للغرفة وشفت صور للرسم على الجدر واخدت افكار منها
بالاول اخدنا القياسات وباللصق عالجدار عشان نرسم مربعات متساوية في الحجم
وجبنا الوان مختلفة من البخاخات وبدينا البخ من بعيد وبشكل مقطع لانو ماابغى المربع يتلون بالكامل ابغاه زي المعتق تقريبا وماكنت ابغى الحدود تكون حادة
واشتريت اشكال حروف من المكتبة وفرغناه وثبتناها عالجدار وبخيناها من جوا كمان وكتبت اسماء اولادي بشكل مايل على اساس تحت كل اسم حيكون دولاب كل واحد منهم
واضفنا حروف واشكال عالمربعات بنفس طريقة الي فوق
والسقف جبنا بوية كحلي وصبغناه وجبت ورق مقوى ورسمت نجوم وقمر وثبتناها في السقف بعد مافرغنا الشكل وبخناه باللون الابيض
والقمر اضفت اللمسات بعد البخ مباشرة بواسطة فرشاة رسم
وعشان لسا عندي واحد يحبي مارضيت اخلي الارض سيرميك فاشترينا اسفنج وثبتناه علارض وبعدها جبنا موكيت كحلي زي السقف
وفرشنا الغرفة بعدها وكان لونها اخضر على كحلي ورمادي والستارة اصفر واخضر
وان شاء الله اصورها كاملة بعد مااخلص الاكسسورات
بانتـظــــــــــــــار ارائـــــــــــكم واقترحاتكــــــــــــــم