السلام عليكم ^_^ ..
كل رمضان وانتم بخير والله يتممه علينا يارب بالعفو والعافيه والعتق من النيران ويبلغنا العيد يارب ..
غبت شهرين عن منتداي العزيز ... ورجعت ومعايا اشكال الوان ^_^
وصفات بسيطه .. وسفره رمضانيه ..
~ الـــــــبلـــــــيله الــحــجــازيه ~
البليله اكله معرووفه في اوسااط الحجاز ودااايم وجوده ونكهته برمضان الخير ^_^ ..
ولا تخلوا حااره حجازيه من بسطه بليله بيتسلوا عليها الصغار وهما بيلعبوا بربر وفريره ..
مقاديرها سهله وطريقتها اسهل ..
المقادير :
بليله حب نجيبها من عند العطار ... المعلبه ماتنفع مااالها طعم ومصبره ...
وخل اسود او ابيض حسب الرغبه .. كمووون مطحووون اهم حاجه ... وملح ..
وبنجر وشطه وجزر مبشور زيني حسب ماتحبي ..
الطريقه :
ننقع مقدار كاس بليله حب في مويه بعد غسله ونتركه ليله كاامله ..


بعد ما ننقعه طول الليل نحطه بقدر الضغط مع مويه فقط ونطبخه انا تقريبا خليته نص ساعه
اوحسب الحبه اذا استوت او لا تختلف احيان تكون قاسيه تحتاج وقت اكثر .. نسيت اصوره وهو بالضغط ^_^
صارت البليله مستويه احفظيها بالتلاجه ممكن لمده يومين ... ماحتخرب لانه مافيها لا ملح ولا غير ..
ولا ترمين مويتها اللي غليتيها فيها ..
بنحضر البليله حسب الطلب مانحط الملح والخل لكل الكميه يخرب .. انا حضرت زبديتين ..
احط بليله بقدر صغير مع شوي من مويته واسخنه ..

واحط بصحن خل اسوود او ابيض حسب ماتحبي واخففه بمويه خصوصا الاسود
لازم له تخفيف نكهته قويه واضيفه على البليله بعد ماتسخن واحط الملح والكمون ..



زينيها بالبنجر او الجزر المبشور وحطي لها شطه ويمممممي يممممممي ولا اطييييييييب ..
مازينتها مافيني احوس بالمطبخ ماصدقت اغسل اواني الفطوور ^_^



واتحدى فيها كشك بليله زمان على كورنيش جده الجميله ...
للموضوع بقيه الرجااااء عدم الرد حتى اكتمال الموضوع ^_^
استخدم الكوب المعياري الخاص ^_^
المقادير :
3 كاسات دقيق ونرشه بشوي ملح
5 حبات بيض
ملعقه صغيره ونص باكينج باودر
شوي فانيليا
نص ملعقه هيل مطحون
نص ملعقه زنجبيل مطحون
نص ملعقه قرفه مطحونه
كاس سكر
كاس زبده لينه
ربع كاس عصير برتقال
نص كاس حليب سائل
جوز مجروش لوز مجروش زبيب حبات هيرشي ..
الطريقه :
نخلط الدقيق مع الملح والباكينج باودر بعدين نضيف المكسرات والزبيب والهيرشي للدقيق
ونخلطهم عشان لا يترسبون بقاع الصينيه ..
بالخلاط نحط السكر والزبده بعدين البيض وحده وحده والفانيليا والهيل والقرفه والزنجبيل
بعدين عصير البرتقال والحليب نضيف الدقيق اللي جهزناه ونخلطه بالملعقه مو الخلاط ..
ملاحظه ~ الخلييييط بيكون سمييييييك جدا مو مثل
خليط الكيك العادي .. عشان يصير فيه فراغات والفواكه ما تترسب ..
ادهني الصينيه بالزيت ورشي شوي دقيق وصبي الخلييييط ودخليه الفرن على درجه 180
من تحت وخليه اقل شي نص ساعه من غير ما تفتحينه وبعدين انتبهي له وحمريه من فوق بعد مايخلص استواء ..
ويممممممي على طعمممه وربي خالي ذااقه يحسبببه من برا مثل اللي يجي بالكوفي شوبات ..
~ السمبوسه البف ~
هذي السمبوسه المتعارف عليها عندنا يالحجازين مانسوي المثلثات الا نادر ..
نسميها سمبوسه بيتي ^_^
المقادير صارت حسب النظر ..
كاستين دقيق وزيت وملح واعجنيها بمويه فاااتره ^_^ لاخميره ولا باكنج باودر ولا غيره ..
خليها ترتاح شوي واقسميها دوائر وابدي احشيها واقليها وبالعافيه ..
~ فطاير مثل القطن ~
للأمااانه اخذت طريقتها من ميك اب ارتيست ... موضوعها بعنوااان عجينه ست الحبايب وهذااا الراببط
http://forum.hawaaworld.com/showthread.php?t=1017567
ويعتبر تطبيق لعجينتها جزاها الله كل خير وين ما كانت ويخلي لها امها يارب ..
الطريقه مكتوبه بالرابط .. هذي فقط صور لتطبيقي الجميل ^_^ لمرتين ..
الرجاااء عدم الرد للموضع بقيه ^_^