السلام عليكم اخواتي ...
انا عندي مشكله مع بناتي اعمارهم خمس ونص والثانيه ثلاث سنين ونص
مني عارفه كيف اربيهم وانعامل معهم صح فيهم جميع انواع العناد والشقاوه واللسان الطويل والتكسير
الكبيره دخلتها الروضه ترم واحد بس وشفت العجب منها فما كملتها في الروضه
بس هي حنونه عليه وتخاف علي اذا تعبت بس عنيده وكل ماخاصمتها تصرخ علي وتقولي انتم ماتحبوني وفيها فجعه على الاكل مو طبيعيه رغم انها ماتاكل بس كذا اي حاجه في يد غيرها لازم تذوق منها
والصغيره طفله ماشفت زيها قد ماتسوي من شقاوه بس لما الواحد يشوفها ويشوف حركاتها مايقدر يخاصمها وماتخاف من اماكن عاليه او من السكين او من السيارات ومسببه لي قلق مو طبيعي لانها ماتقدر الشي اللي يخوف وكمان متعبتني في النوم لازم كل شوي تصحا وتجي عندي وارجعها غرفتهم وتقلد الكبيره في الشين قبل الزين لو تكح الكبيره لازم الصغيره تكح ولو راحت الحمام لازم تروح
بناتي مايخافون مني لو ايش اسوي بس ابوهم لو بس يعرفون انه جا شوف الرعب والادب اللي يصيرون فيه
نفسي اعرف الطريقه الصحيحه وكيف اتعامل معهم وكيف اعاقبهم واعلمهم على الصلاة والدين
اتمنى تساعدوني واكون شاكره لكم
ام جوانا ودانا @am_goana_odana
عضوة نشيطة
يلزم عليك تسجيل الدخول أولًا لكتابة تعليق.
جزاك الله خير اختي يالله الخيره
بحاول اجلس معهم بس احيانا مااقدر اجلس ولا لي خلق لهم الله يصلحهم بس
قاعده ادور لبنتي من الان على روضه زينه وان شاء الله الاقي
بحاول اجلس معهم بس احيانا مااقدر اجلس ولا لي خلق لهم الله يصلحهم بس
قاعده ادور لبنتي من الان على روضه زينه وان شاء الله الاقي
المسالة سهله بس اللي يبي حاجه موبالسهوله تجي له يعني يبي لك صبر استعيني بالله واطلبي دايما ان الله يرزقك الحلم واكيد انتي عصبيه معهم وقليلة الاحتكاك واللعب معهم بما في معناه ان الوقت يمر معكم اوامر يتلقونها منك او صراخ وهذا اكبر غلط يعني انت سبب سلوكهم وتصرفاتهم وانا راح ادلك على بعض الامور وانت تعاوني معي 1= اهدئي امامهم قد ماتقدرين واحذري العصبيه والصراخ 2=احضنيهم وقبليهم اكثر من 8 مرات في اليوم على الاقل 3=اعقدي الصداقه مابينك وبينهم وسوي جدول تشجيعي للامور اليوميه مثل الترتتيب والاكل بادب وتنظيف الاسنان وغيره 4= العبي معاهم واخذي رايهم باللبس حتى انت اذا لبستي قولي لهم حلو ولا لا واشغليهم بالتلوين والقصص واشكال الصلصال وغيره وخليهم يدخلون معاك المطبخ ويسوون كيكه او بسكوت ويزينونه بكريمه او الشوكولا 5=قللي لهم منتجات الطاقه والحيويه مثل الشوكولا والالوان الصناعيه والكورن الفلكس والمشروبات الغازيه والكافيين وكثري شرب الحليب واللبن وام شي كوب قبل ماينامون يهدي اعصابهم 6=التدليك يقوي علاقتك فيهم كثير بس تدليك لكامل الجسم وموسريع ولازم تغنين لها وتسمعينها كلام حلو ياصغيرونتي ياقلبي ياحبيبتي وكذا 7=اسمعي لهم ولا تصدينهم ولا تقاطعينهم وفهميهم اذا سوينا كذا الله يحبنا واذا حبنا يعطينا حلاو كثير ولازم تكافئيهم بهديه بسيطه مثل الوان اواقلام نظاره اي شي بسيط وحطيها تحت المخدة وقولي لهم انها هديه من الله عشان سوينا كذا وكذا 8=سويلهم بطاقات وارسليها لهم او رسومات ورسوماتهم علقيها ولا تستهينين فيها 9=احكي لهم قصصك وانتي صغيره واشغلهم باعمال فنيه واعمال حلوة بالورق الملون مثلا انا بنتي تعلمت لفظ موحلو من الروضه ورحت جبت لها اوراق ملونه ومقص امن للاطفال ينباع بالمكتبات وسوينا وجه بس لسانه طالع منه ولونه وردي وبعدين سوينا وجه ثاني بس لسانه اسود وعلمتها ان هذا صاحبه قال كلام مو حلو والله زعل عليه والناس ماصارت تحبه وتقعد معه والله خلى لسانه اسود وصار يستحي يتكلم مع الناس خايف يشوفون لسانه وشوي شوي تعودت وماصارت تقوله والحمدلله وان شاء الله اذا ذكرت شي برجع واقو ل لك وهالله وهالله بالحنان والله يخليهم لك ان شاء الله ويهديهم وادعي لي ان الله يرد لي زوجي ويجملني بعينه
يعطيك العافيه اختي على كلامك الدرر واعترف اني عصبيه لانه عندي السكر ومااتحمل وان شاء الله احاول اطبق كل كلامك
الله يرد لك زوجك ويجعلك اجمل واحلى وحده في عينه
الله يرد لك زوجك ويجعلك اجمل واحلى وحده في عينه
الصفحة الأخيرة
ثاني شي خلك صديقة لهم يعني اجلسي معهم وقت اللعب تلوين رسم...
والكبيرة اختاري لها روضة مضبوطة ودخليها لأن المدرسة تربي وتنظم النوم وبتهدأ بنتك كثير وبكذا بتهدأ الثانية