اسمعي ي قلبي
هي لها اكثر من طريقة لكن كلها صحيحة و بعطيك طريقتي ب التفصيل و لذيذةةةةة👌🏻👌🏻👌🏻✨


✨شفتي كوب الخلاط ، عبي ثلاثة ارباعة موية حارة
✨و حطي فيه 30 حبة تمر و انزعي النوى (التمر اللي يجيك محشي مو اللي يجيك قاسي )
✨اخلططيهم مع بعض زين ب الخلاط
✨حطي الخليط ب قدر و شغلي النار و اذا بدا يطبخ نقصي على النار
✨اللحين بما انه بدا يطبخ حطي من البهارات المطحونةةةة و هي (نص ملعقة فلفل ابيض ، نص ملعقة فلفل اسود ، ربع ملعقة زنجبيل ، ربع ملعقة كمون ، ملعقة قرفة ) و حطي هيل غير مطحون ( 10 حبات )تصلح طعم رهيييييب و نكهة مميزة ب العصيدة👌🏻👌🏻
✨خليها تطبخ على نار هادية ربع ساعة ثم شيلي منها الهيل ب الملاسة (الصفاية)
✨خلاص شلتي حبات الهيل ؟ اللحين حطي ب القدر ملعقة شومر(البعض يسميه سنوت)
✨السكر مع انو العصيدة راح تكون شوي حالية عشان التمر لكن انا عن نفسي احببببه في العصيدة لازم اضيف ملعقتين سكر او ثلاث لكن انتي ذوقي سكر المطبوخ و شوفي اذا انك تبين تزيدين سكر او ما تبين سكر ب المرة (ع حسب رغبتك)
✨اللحين في طاسة اخلطي كوب طحين اسمر و نص كوب حليب جاف (حركيهم زين عشان يختلط الحليب ب الطحين)
✨ صبيه شوي شوي على مطبوخ التمر اللي ب القدر و حركي سريع سريععععع عشان م يتكتل و اذا تبين طريقة اسهل و تضمن لك من التكتُل استخدمي (الة الخفق اليدوية حقة المعجنات) رهيبة انا استخدمها👌🏻👌🏻
✨اذا شفتي انها ساااايلة جداً زيدي طحين و اذا شفتي انها مررررة ثقيلة اضيفي كوب موية زيادة (قوامها المطلوب و هي ب القدر يكون زي السيريلاك)
✨اللحين خلاص خليها ع نار هادية تطبخ برواااق ل مدة 30دقيقة لكن صيري بعد كل دقيقتين او خمس حركيها زيييين لانها راح تلزق ب اسفل القدر لو ما تراقبينها و تحركينها راح تتكتل عليك شوي
✨اللحين قبل لا تطفين ب عشر دقايق اضيفي(5 ملاعق حب رشاد + ملعقة حبة البركة السوداء) حركيها و خليها عشر دقايق و طفي و على طوووول حوليها في حافضة او برطمان
✨قبل لا تاكلين منها اضيفي لها فوق شوي عسل و شوي سمن (ع حسب الرغبة طبعاً) لكن مو تضيفين للعصيدة كاملة ، لا اضيفي للكمية اللي بتاكلينها فقط ، عاد جربي هالعصيدة مع القهوة و ادعي لي لكن دامك نفتس ف اشربي معها قهوة قشر افضل 👌🏻✨
✨قوامها الصحيح بعد الطبخ يكون زي قوام الجريش او قوام العيش السعودي او قوام السيريلاك اوووووو الزبادي >يعني لا يجي في بالك انها بتكون قاسية يوم ان اسمها عصيدة
✨البهارات اللي ما يصلح تستغنين عنها هي القرفة و الفلفل الابيض و حبة السوداء و الرشاد ✋🏻 اما بقية البهارات لو ما توفرت عندك ف مو مشكلة لكن وجودها راح يخليها افضللللل ب كثير ك دواء كامل متكامل للنفاس
✨انا اوزعها في علب او علب المنيوم و احفظها ب الثلاجة صالحة لمدة 5 ايام ب الضبط




ب العافية عليك ي قلبي 💕

هاذي طريقة عصيدة التمر
اربع كاسات مويه وعشرين حبة تمر وست فناجيل سكر وشوي سمن او زيت حطيهم على النار الين يطلع لونه بني بعدين حطيها في الخلاط ورجعيها وحطي عليها كاستين طحين وشوي حبه سوداء وملح رشه بسيطه وملعقتين كبيره فلفل اسود وحركيها بالشبك وشوفي لو خفيفه زيدي طحين لو ثقيله مره زيدي مويه يكون قوامها زي قوام الكيك وحطيها على نار صغيره وجيبي اصبع زبده وقطعيه اربع قطع وحطيه داخل العصيده والزبده مثلجه وغطيها بقصدير وخليها على نار صغيره مره لمده ماتقل عن ثلاث الين يتغير لون العصيده للون البني الغامق اعصديها كل ساعه حركيها وارجعي سكري عليها القصدير والغطا وبعد ثلاث ساعات خذي منها ورشي عليها فلفل اسود وحطي عليها قطعة زبده وكليها بالعافيه تقدرين تضاعفين الكميه او الباقي تحطينه في صواني قصدير بعد ماتبرد وتحطينها في الفريزر حقت عشر ايام كل يوم تطلعين قصديره وتحطينه في قدر يتحمى وتاكلين