حمام الهنا(طريقة الحمام المغربي بالتفصيل)
كيف الحال ياحلوات
اليوم راح اقولكم طريقة الحمام المغربي على اصوله
وداعـــــــا للكوافير
صدقوني راح تستغنون عن الكوافيرات وراح تسوون الحمام المغربي في البيت وبأنفسكم
والنتيجه:-
بياض ولمعه وصفاوه وتوحيد للون البشره وفوق كل هذا الانتعــــــــــــاش والشعور بالنظافه
الأغراض
الصابون المغربي(اللي يجيك في علبه وغليظ )
2ليمون
حنا
صابون الطاووس المغربي(عاد هذا صابون جامد)
الليفه المغربيه(يابنــــــــــات مو أي ليفه مغربيه تستخدمينها_ لازم تكون اصليه ودرجه اولى
طريقة عمل الحمام المغربي:-
اولا اخلطي عصير ليمونتين واربع ملاعق كبيره من الحنا مع الصابون المغربي الغليظ في نفس علبته(اخلطيه جيدا)
ثانيا شغلي موية الحمام الحاره(وقولي بسم الله)وسكري عليك الباب ولا تشغلين مروحة الشفط ولا تفتحين النافذه لازم يكون كل شي مغلق علشان يظل البخار في الحمام,
الموووهم بعد ماتشغلين المويه بخمس دقايق حوليها لمويه دافيه تميل للحراره اكثر وادخلي تحت المويه خمس دقائق
وبعد كذا ادهني جسمك كله بالصابون(ولاتقولين اخاف الحنا يلون لا ما يلون بالعكس ترى الحنا يبيض)
الموووهم خلي المويه شغاله عالحار وانتي اقعدي عشر دقائق وانتي حاطه الصابون على جسمك
وبعدين ادخلي تحت المويه وغسلي جسمك عدل الما يرووح كل الصابون
بعد ما ينظف جسمك من الصابون يبدأ عملك الشاق مع الليفه(الله يعين)
افركي جسمك فرك بحركه دائريه ابتداء من الرقبه والصدر والبطن واليدين وانتهاء بالرجل والظهر (ترى تقدرين تفركين ظهرك بنفسك) واذا ماتقدرين خلي احد يساعدك
الموووهم راح تشوفي العجب العجاب(اوساخ غريبه عجيبه تطلع منك)
ولاتنسي ايضا تفركي الاباط والمنطقه الحساسه والمؤخره(كل شــــــــــيء لا تبقين نقطه في جسمك)
يمكن تستغرق عملية الفرك نص ساعه(متـــــــــعبه بس حلاوتها في النهايه)
بعد ماتخلصين غسلي جسمك وفركيه بصابونة الطاووس المغربي
ونشفيه وبعدين ادهنيه كله من الاول للآخر بكريم لترطيب البشره الجافه تدرون ليه؟
لأنك طول الوقت تفركين بجسمك ولو طلعتي من الحمام من دون ماتدهنين جسمك بكريم مرطب راح تكون النتائج عكسيه راح تشوفي جلدك جااااف بس اذا دهنتيه راح تكون النتائج روووعه
وحمام الهنا ياحلوات
واللي عندها اي اضافات تقول
بليـــــــز اللي تقرا موضوعي تدعي انه ربي يرزقني
الزوج الصالح
منقوله
همس الاموره @hms_alamorh
عضوة جديدة
يلزم عليك تسجيل الدخول أولًا لكتابة تعليق.
الــوردة الحمــراء
•
استغفر الله واتوب اليه
الصفحة الأخيرة