ماشاء الله تـــــــــــبارك الله ..
السلام عليكم ورحمة الله وبركاته ..
تحيه طيبه عطره للجميع ولكل من انتظر هالطريقه طووويل ادري طولتها حيل لكن والله الظروف ماخلتني افضى وانزلها لكم ..
اولها انقطع النت وبعدها انمرضت وبعدها صار ظرف طارئ وبعدها رجعت انمرضت وبعدها انقطع النت مافتح الا اليوم ..
عاد معليش بغيت اشرح لكم علشان ماتحسبوني اسوي حركات نص كم لكم وتشويق.. لكن تخبرون الحامل اصلا هي بروحها عجزانه وحتى لدخلت النت ادخل سرقه وانحااااش والله يعين ..
عالعموم اطلب منكم السموحه والعذر .. وحياكم ربي بموضوعي ..
اولا / طريقه الفلافل ...
حمص حب منقع ليله كامله بالماء والكميه اللي تحبيها انا سويت حوالي 5 اكواب وسويت منه فلافل وحمص ..
يعني بيكفيك للفلافل حوالي 5 اكواب منقعه ليله كامله ..
كوب بقدونس
وكوب كسبره او كزبره
ونص كوب شبت او شبث اذا كان طازه اما ان كان ناشف فربع كوب
وبصله متوسطه ..
وبالاخير / كمون وملح..
مثل اللي بالصوره ..
الطريقه /
نقوم بتقطيع المكونات كلهم تقطيع وسط مشان نبدأ عمليه الفرم نجهز كل المكونات بقدر ماعدا الكمون والملح..
ثم نبدا بعمليه الفرم بفرامه اللحم .. ناخذ بيدنا او بالملعقه من المجموعه كامله مشكله ونحط بالفرامه..ثم نفرمها مرتين يعني نفرمها ثم نرجعها للفرامه دوره ثانيه تفرم ..
ثم بعد الفرمه الثانيه نحط عليها الكمون والملح وكذالك فلفل اسود حسب الرغبه اذا تبيها حااااره...وقبل القلي نضيف لها ملعقه صغيره بكنج بودر..
ثم بعد هيك .. نبدأ نتكويرها نسويها اقراص بيدك او بالاله والافضل بالنسبه لي بالآله لانها تطلع كلها حجم واحد ومتناسقه .. وانا استخدمت الاله أله تشكيل الفلافل..
وهي تاخذي بملعقه وتحطي بالاله وتمسيحها ثم تسقطيها بالاله بزيت غزير حتى تتحمر ..
وهنا الشكل الاخير قدميها بكل الفخر والحب لعائلتك واطفالك الكرماء ..
@@@@@@@@@@@@@@@@@
**************************
&&&&&&&&&&&&&&&&&&&&&&&&&&&&
اخيرا//
هذي طريقه الحمص اللي كنت منزلته من قبل نفس اللي بالصور..
كمآآآآ وعدتكم .. حمصي اللي راح تتحدين فيه افخر المطاعم..حمص .~*رسيت بموانيك*~..بالصور
http://forum.hawaaworld.com/showthread.php?t=2818138
بس لا تنسوني من خالص دعائكم وخاصه لكل من استفادت و اذكرو الله جميع ماشاء الله تبارك الله ادري ماجبت معجزه بس ماعليه ذكر الله نافع لكل شئ الله يجعلنا من الذاكرين والشاكرين يارب ..
اللهم اني استودعك نفسي وزوجي وابنائي وما في رحمي وبيتي ومالي وصحتي وعافيتي واهلي وجميع من احببت فيك يا من لا تضيع ودائعة
اللهم اني اسألك يا من تقول للشيء كن فيكون حملا خفيفا وطلقا هينا سهلا وولدا ذكرا صالح معافى مشافى تام الخلق والخلقه من غير زيادة ولا نقصان
اللهم اغفر لي وارحمني واعفو عني وعافني وتجاوز عني وعاملني بلطفك ولا تعاملني بعملي
اللهم اصلح لي العمل والنية والذرية واجعلني مقيم الصلاة ومن ذريتي
ادعو لي الحمل اليسير والطلق الهين اللين والولاده السهله اليسيره وان ربي يجعلها مثل لمح البصر واسرع من رمش العين يارب..
ويرزقني بالولد الصالح السليم المعافى تام الخلق والخلقه ويقومني وهو بالسلامه يارب..
اللهم آآآآآآآآمين
الله يسهل عليك ويعطيك ماتتمنين