اتمنى ان الموضوع مايكون مكرر
اول شيء بما ان رمضان عالابواب وكثير نستخدم الطماطم المطحونه سواء للكبسات او المرق او اللحم المفروم للمكرونه ولا للشوربه وفي استخدامات كثييييييييييييير
وطبعا مو كل العالم عندهم الوقت انهم يطحنون اول باول وكل يوم لان ياخذ وقت
وماشاءالله رمضان بسرررررررررعه يمر الوقت فيه والله يعوده علينا وعلى المسلمين يارب بخير وبصحه وعافيه ويبلغنا رمضان كل سنه
اول شيء لما تروحين سوق الخضرة او :arb:يروح اطلبي منه يجيب لك كرتون كبير الي مثل كرتون الموز فيه طماط واااجد طبعا مايكون من الحبات الصغيرة لا حباته متوسطه الحجم ان امكن لما يجيبه لك اغسليه وحطي بقدر ماي على النار وخليه يصير حار وبعدها حطي الطماطم فيه من غير ماتقطعينها حطيها الطماطم كامله اللهم انك غاسلتها وخليها تقريبا 5دقايق او الى لما تشوفينها بدت تذبل شوي مو كثير تخلونها تصير صلصه انتبهو
بعدها شيليها وقشريها عشان القشرة تعدم الطاحونه اوقات لان في طماطم تجي قشرته قاسيه فيخربها وحطي بالكاس الخلاط او واخلطيه راح ينطحن الطماطم وحطيه بزبديه او بقدر المهم عشان شوي يبرد واهم شي انك مو تاخذين الطماطم من القدر ودايركت على الطاحونه انتبهو
واذا برد خذي اكياس اللحم اصغر حجم وعبيها بالطماطم بالكميه الي تناسبك مغرفه اومغرفتين واربطيها وصفيها بصنيه ودخليها الفريز وخليها تجمد وبعدها شيليها وحطيها بوكس بلاستيك ولا بسله الفريزر وبكذا نكون خلصنا طبعا كل مااحتجي ماعليك الا تجين تفتحين الفريز وتاخذين العدد الي يكفيك من الاكياس الطماطم وتحطينها بطبختك وبكذا تكونين وفرتي وقت وتكون عندك كميه كبيرة من الطماطم المطحون ولاتحتارين واستغلي الوقت الي ممكن تطحنين فيه بايام رمضان استغليه بالقراءة والدعاء
اذا اعجبتك الفكرة ادعي لي ان ربي يسخر زوجي لي ويخلي لي امي وابوي ويبلغنا رمضان معهم بخير