اول شيء تحتاجون الى :
الوان اكريليك وهي المناسبه بنظري لأنها مقاومه للماء واذا ما عندكم هذه طريقه بسيطه تقدرون تحولون الالوان المائيه العاديه الى اكريليك بتلاقونها بهذا الرابط
http://forum.hawaaworld.com/showthread.php?t=1308718
جلاد شفاف او ورق نايلون مثل الكيس اللي يغلف الفانيلات حق الاولاد والرياييل مثل سلجر وغيرها اكييد عرفتوها
قطعة كارتون
--------------------------------
نرسم على قطعة الكارتون الرسمه اللي حبين نطبعها على الجدار بالقلم
وبعدين انجلها بالجلاد الشفاف بطريقة مرتبه
لوني بالالوان الرسمه اللي رسمتيها طبعا بيكون فوق الجلاد وغلظي اللون وحاولي ما تتاخرين عشان ما ينشف
اذا خفتي ان الالوان تنشف حددي عرض الرسمه على الحائط يعني علمي بالجدار عرض وطول الكارتون بالمسطره عشان اذا حطيتي الكارتون تحطينه بنفس المكان وما تخربطين ..ليييش ..بقولج عشان ترسمين حبه حبه كل مره لوني شيء من الرسمه واطبيعيها على الجدار على دفعات اذا كانت الرسمه فيها كذا لون مثل هذه
وهكذا حتى تنتهين من الرسمه كامله والحلو من الفكره انج تقدرين تغسلين الرسمه باسفنجه بعد الانتهاء من الطباعه والتلوين بألوان أخرى طبعا الصور الي عندكم طباعه على الورق بس نفس الطريقه طبقتها على الجدار
طبعا نفس الطريقه اللي شرحتلكم اياها بس انا ما كان عندي جلاد شفاف فاستخدمت الأكياس النايلون
هذه الرسمه على الكارتون
وهذه بعد ما غلفتها بالكيس ولونت الرسمه فوقها
وهذه نتيجة الطباعه على الجدار