طريقه تدميس الفول ووصفات بقى خطييييييرة للفول

اولا التدميس
هنجيب كيلو فول ونص كبايه حمص الشام ومعلقه كبيرة عدس اصفر
ننقع الفول والحمص اربع ساعات عشان يبقى سهل في السوى
نجيب القدر ونحط اربع كبايات مرة يغلوا ونحط الفول المنقوع والحمص والعدس ونغطى ونسيبهم يغلو شويه ونوطى عليه خالص ونسيبه براحته لحد لما يستوى ولو احتاج ايه تانى للسوى اغلى مايه وزوديها عليه
تعالوا بقى هنا هقولكوا على طرق فول مصرى حكااااااااااااايه:
اولا الفول بالطماطم
1طماطم كبيرة حمرا قطع صغيره-بصله مقطعه مربعات-افلفل رومى مقطع مربعات-2فلفل حار الطويل ويتقطع حلقات-زبده-ملح-ربع معلقه صلصه-معلقه خل صغيرة-معلقه بقدرونش مفرومه
نحط الزبده نسيحها ونحط عليها البصل والفلف لحد لونها مايصفر ونحط لطماطم عليهم ونسيبهم يتسبكوا شويه
نحط الفول بقى ونهرسه كويس ونحط الملح والخل والبقدونس والصلصه ونسبهم شويه يسخنوا
وكللللللللوا بقى وقلولى رايكوا الى يعرف مطعم الشبراوي في مصر بتاع فول زيه بالضبببببببط
ثانيا الفول بالثوم
نص راس ثوم تقطعيها قطع صغيرة جداااا-زبده-كمون-ملح
نحط الزبده تسيح ونحط نصف كميه الثوم يصفر شويه ونحط الفول عليهم والكمون والملح واول مايسخن كويس نحط باقى الثوم ونقلب تقليبه خفيفخ ونطفى عليه
طبعا الثوم هيبقى قوى جدا وكتير جدا بس فيه ناس بتحبه جدا وبالذات الرجاله وبيعجبهم
ثالثا الفول بالطحينه
معلقتين طحينه كبار -نص معلقه مايونيز-ملح-كمون-لمونه-زيت زيتون
نخفف الحطينه بشويه مايه سخنه على النار ونحط عليهم المايونيز يتقلبوا شويه مع بعض
نضيف الفول ونكون ضاربينه في الخلاط عشان يكون مهروس كويس قوى نحط الملح والكمون والليمون ونقلب كويس
ونقلبهم في طبق ونح زيت الزيتون على الوش بالكميه الى بتفضلوها
رابعا الفول بالبابا غنوج
طبعا عارفين البابا غنوج نجيب منه 3معالق كبار-ملح-لمون -كمون-زيت ذرة-بقدونس مفروم
نحط الزيت في القدر ونحط عليه الغنوووووووووووووووج ونزود الفول والليمون والكمون وفي الاخر خالص بعج مايسخن ويس نحط البقدونس عشان يكون طعمه ظاهر
خامسا الفول الديناميت وده مشهور قوى عندنا والى يقدر عليه الله يعينه ليه جايزة
المكونات
فول-قرصين طعميه-بابا غنوج-بطاطس مقليه-سلطه خضرا-عيش ابيض صغير لانه سندوتشات
الفول هتعمليه بالملح والكون هتضيفي قرص عميه مهروس عليه والبابا غنوج والبطاطس والسلطه والطحينه بس
والله يعنكوا عليه هو حلو قوى بس تقيل موووووووووووووووووت
فيه ناس كمان بتضيف بتنجان مقلى
يارب الموضوع يعجبكوا ومستنيه ردودكوا