السلام عليكم ورحمه الله وبركاته ....
يابنات تكفوووون ابغى طريقه تصليح كوووشه بسيطه
لان فريت كل المحلات وابغى تصليح كوشه بسيطه اقل شي يقووولو 800 ريال :mad:
والله يلعبون عليناااااااااااا وش 800 ريااااااااال حتي الاريكه موجوده عندي بس ابغى يحط ورد من الطرفين ونور وقماس على الاريكه
فافكرت انا اسويه والتحفه انا اشريها الي نحط فيها الورد ونستفيد منها منظر في بيتنا
واكيد انتو يابنات عندكم خبره في تصليح الكوشه
طبعا مو كوشه كبيره لااا كوشه ناعمه مرررررررررررره :)
ارجوووووووووكم ساعدوني وياليت تحطو صور الخطوات
واكون لكم مشكووووره
اروى*** @aro_17
عضوة نشيطة
يلزم عليك تسجيل الدخول أولًا لكتابة تعليق.
Take my Hand
•
عندي افكار ولي رجعة
اروى***
•
عندي افكار ولي رجعةعندي افكار ولي رجعة
ياهلاااااااا اختي استناك على احر من الجمر
والله يوفقك يارب ويسعدك ياحيي ياقيوم :39:
والله يوفقك يارب ويسعدك ياحيي ياقيوم :39:
أنا عندي فكره وتطبيقها بسيط وماتاخذ منك وقت ويارب تعجبك
قمت بتطبيقها في كوشة قريبتي طلعت انيقة وناعمة ومره رايقه واعجبت الكثير بس للأسف ماعندي صوره لها
أول شي الجدار اللي خلف الأريكة
1))
تاخذين لمبات الزينه اللي على شكل سلسلة متصله او شبكه حسب ماتحبين مدري اذا عرفتيها
هذيك حقات العيد القديمة >> توصيف بزارين :09:
تلقينها موجوده بمحلات الاضاءة والثريات وسعرها رخيص انا اخذت 3 الوحده بـ 25ريال
وتثبتينها على الجدار كل شبكة جنب الثانية اخذت مسافة تقريباً مترين وكان التثبيت بالنسبة لي بسيط لأن الجدار كان فيه إطار خشبي
ساعدني على التثبيت بدون مسامير بعد ماثبتت الانارة و وصلت لها توصيلة عشان الفيش كان بعيد
2))
تحضرين قماش شيفون اللون اللي تحبين انا اخترت الاوف وايت اول شي تغطين اللمبات بشكل كامل
إلى الأرض بشكل طولي بعدها جيبي قطعة قماش ثانيه وحطيها فوق الاولى عشان تغطي الاسلاك بشكل تام
بس القطعة هاذي خليها مو مشدوده خلي فيها صفطات مثل صفطات الستاير فهمتي علي عشان تعطي شكل
اجمل
3))
جيبي ورد بالألوان اللي تحبين انا أخترت الفوشي والزهر ودرجه ثالثه فاتحه جداً اذا تحبين طبيعي بس بيصير مكلف لان بتحتاجين كميه واذا تبين صناعي جيبي شي يكون شكله طبيعي لا تاخذين ذاك الصناعي اللي بالمحلات العاديه مره مو حلو وشكله دفش
أن جبت ورد جوري من سيتي ماكس شكله جداً رايق أخذت مجموعه كبيره وكان عندهم نفس الورد بس في فازات بلاستيك وجبت بعد منه فازتين
صمغي الورد مع بعض بصمغ المسدس لان كل وحده لحال وحاولي تنوعين يعني 2 مع بعض , 3 , 4 , وخلي بعد كم وحده لحال
بعد أبدئي بتثبيت الورد على القماش بالشكل اللي تحبين أنا نثرته بشكل عشوائي وركزت على الطرف العلوي
بشكل كأن الورد ينسدل من الأعلى يكون كثيف من فوق ويخف كل مانزلنا للأسفل وإذا تحبين تدخلين معه لولو
أو كريستال أو إي اكسسوارات عندك تكون واضحه وايضاً اغصان واوراق شجر ايضاً حاولي تجيبين نوعيه كويسه قريبه لطبيعي
4))
أحضري طاولتين وضعيها بجانبي الأريكه وافرشي عليها نفس القماش اللي بالخلفيه وخليه منسدل ويغطي مساحه من الارض حول الطاوله
5))
خذي فازتين زجاجيه نفس الشكل وتكون طويله شوي انا استفدت من فازات اللي جت مع الورد وامليها إلى فوق النص بالماء
وضعي عليها قطرات من ملون الطعام بنفس الوان الورد اذا ماعندك استخدمي حبر ملون أو حتى الوان مائية
انا استخدمت اللون الزهري
6))
جيبي شموع عائمه وولعيها وحطيها داخل المويه بتعطي شكل خيالي ولا تخافين لأنه داخل المويه ومافيها اي خطوره بالنسبه لمسألة الاحتراق لاسمح الله
7)) زيني حول الفارات بنفس نوعية الورد مع نثر بتلات ورد حول الكوشه وعلى الطاولات
8))
شغلي الأضاءة بالخلفيه واستمتعي بأحلى كوشه
آسفه على الإطاله يمكن الطريقه طويله بس بالتطبيق مره بسيطه وماتاخذ وقت سويتها بنص ساعة تقريباً
والكل سألنا عنها
وبالتوفيق عزيزتي :icon28:
الصفحة الأخيرة