طريقه تفريز اكل الرضع بالصور

الحلقة الاولـى
(اعداد و جبة الخضار المتكاملة )

تحتاجي لـٍ :

1- خضار( كوسا ، جزر ، بروكولي ، قرع ، و ازا حبيتي تضيفي شوية بطاطا بس انا ما بضيفها لاكل بنتي لانه كتير فيها نشويات .. بس ممكن تستبدليها بالبطاطا الحلوة)

انا قبل ما اخلطهم كنت متأكدة انو بنتي ما بتتحسس من هالانواع

2- أدوات (ستيمر ، خلاط ، علب صغيرة او كاسات كل كاسة او علبة تعتبر وجبة كاملة للطفل ، أكياس تجميد ، و طبعا فريزر )

الصور بتشرح الخطوات




بنحدد الوقت و بننتظر لمدة 37 دقيقة ع بال ما يتسوو بالبخار



هلا بعد ما جهزت .. بنحطهم ببولا كبيرة و طبعا بناخد المي الي طلعت منهم .. بنضيفهم لبعض (بهاي الخطوة ممكن تفصلي كل نوعين لحال تعتبريهم وجبة عشان البيبي ما يزهق من نفس الطعم )



هلا بدنا نبدا نهرسهم


بالاول هيك شكلهم



بعدين هيك بكونو تمام (بدنا نتاكد انو الخليط متجانس مش سائل و لا جامد)



نجهز العلب الي حنحفظ فيها الطعام



نبدا نملاهم ،، بحيث كل علبه يكون فيها تقريبا كمية 3 معالق اكل كبيرة



هلا بعد ما يبردو شوي ، لانو بكونو سخنين بدنا نجهز للتبريد (بالفريزر لازم)

بنحط كل 4 جنب بعض بكيس و بنحكم اغلاقـه وبندخلهم الفريزر لوقت الحاجة



بس بدك تستخدمي وجبة بطلعيها قبل بيوم و بتتركيها بالتلاجة من تحت .. و قبل ما تاكل الطفل بربع ساعة طلعيها برة التلاة و بعدين بتكون صارت تمام او ازا باردة كتير حسب جو بيتك سخنيها بالمايكرويف لو مستعجلة ،، او في طريقة افضل انا بعملها لما اكون رايقة ،، بملا كاسة شرب بمي سخنة و بحطها داخلة كانو بدي اسخن الرضعة


ملاحظة 1 : اعملي كميات كبيرة من الخضرا ، بحيث يكفوكي اسبوعين او 3 اسابيع بالكتير
ملاحظة 2 : من خلال تجربتي انا بأكل تولين وجبتين باليوم من الخضار .. وحدة الساعة 3 العصر و التانية ع 9 او 10 المسا بتكون اخر وجبة لالها قبل النوم
ملاحظة 3: أكيد راح تحتاجي تعطي ابنك خلال اليوم اشياء تانية مثلا فاكهة او حبوب قمح او مثلا بسكويت تسالي (فارليز)

ملاحظة 4 : اياكي تضيفي ملح او سكر للوجبة ،، الطفل ما بعرف طعم الملح ما بدنا نعوده او نعرفه عليه ،، لو ضفنا مرة ملح بدنا دايما نحطله اياه ..


في تكملة للحلقة عن فوائد كل صنف من الخضار ..

بس هلا تعبت من التصغير و التحميل ،، راح كمل بعدين لو لقيت تجاوب
بتمنـى أكون فدتكم شوي

والاللااااااااامانه منقول
بس مايمنع تدعون لي علي النقل وارح اجيب لكم طريقه تفريز الفواااكه حسب الردود المشجعه