اهلين خواتي كيف حالكم
مثل ماوعدتكم اني راح اكتب الموضوع اذا جتني الجمعه حقت الجيران
وهي عن تقديم الشاهي والقهوه
لان الجمعه حقتنا على شاهي وقهوه بس
والحين ماابي اطول عليكم بقولكم وش سويت
طبعا قبل مايجون كنت مرتبه البيت ومبخرته ومشغله الفواحات اللي على الشمعدان حطيتهم في كذا مكان
انا المجلس مفتوح على وقدامه المغاسل
حطيت حول المغسله فواحه وفانوس وشمعدان كلها لون واحد ومناشف نفس الشي
والحمام حطيت فيه فواحات وشمعدان معطر وتحف كل هذي على رف بنفس الجدار
كانت ريحه البيت تجنن
نجي لتقديم
حطيت عربيه التقديم وحطيتها على جنب وحطيت عليها الفواكه المقطعه وحاطتها باعواد
وبجنبها نافوره الكاكاو وصحون الصغيره حقت التقديم وبالعربيه من تحت حطيت السكر والتمر والملاعق الصغيره والاشياء هذي...
اول مااجو الحريم
قدمت لهم كابتشينو بدل العصير لان الوقت هذا برد ماينفع عصير
حطيت كوب كبير وبجنبه قطعه قاتوه بصحن شكله مستطيل وكأنه من فخار الكوب والصحن
يعني صحن مستطيل وفيه الكوب وقطعه القاتوه..
بعد ماخلصو
جبت القهوه وكنت حاطتها بدله منقوشه بدل الترامس وقدمت معها التمر بصحون مره شكلها حلو
وبعدين الشاي في اباريق اثنين واحد نعناع واحد شاي (طبعا طقم الدله والاباريق وحقات التمر) والشاي كان من غير سكر
السكر حطيته برا وكان شكل السكر اللي على شكل اعواد وفي نهايته سكر مربعات يعني كانه عود وفيه من فوق سكر متجمد طبعا العود خشب انشاالله تكونو فهمتو قصدي وحطيته بالصحن بجنب كاسه الشاي
( اذا تبون مثله تحصلونه عند سعد الدين) وكنت حاطه سكر برا مكعبات اللي يبي زياده بسله صغيره
وقدمت مع الشاي فطاير بصحن منقوش كله بالوان قديمه يعني تراثيه
وبعد ماتقهوو وخلصو كنت حاطه النافوره حقت الشوكلت بجنيها صحون صغيره
صرت اخذ شوكلت على الفواكه واحطه بالصحون الصغيره واقدمها
وكان شكلها مره حلو
وبس انشاالله تستفيدون من تقديمي لشاي:) واي استفسار انا حاضره
بحــور @bhor_4
محررة
يلزم عليك تسجيل الدخول أولًا لكتابة تعليق.
~رتوش~
•
الله بعطيك العافيه ..بس عندي سؤال الصحن الي حطيتي فيه الكوب والجاتوه من وين شريتيه
لاني شفته بايكيا ولا اخذته وتندمت لاني رجعت الشرقيه والشرقيه مافيها ايكيا
لاني شفته بايكيا ولا اخذته وتندمت لاني رجعت الشرقيه والشرقيه مافيها ايكيا
الصفحة الأخيرة
وصفك واضح وحلو ..
تسلم يدينك :) :26: