طريقه جدوووووولك بالترتيب

الله يكون بعونك

بصراحه انا عندي عقده من شغل البيت وطول الوقت مايخلص الشغل
انا عندي طفلين وفي البيت مو موظفه
بس عندي يوم محددللغسيل واليوم اللي بعده الكوي
غسيل الحمامات والمطبخ يوميا
اما السراميك يوم بعد يوم
الله يكون في عوننا

اسهل شي للطالبة او الموظفة هو الشغل اول باول والتجهيز المسبق .....
حتساليني كيف ؟
اقولك رتبي بيتك قبل ما تنامي وجهزي ملابس الجامعة وملابس البيبي وشنطتها كامله يعني لمن تصحي تلاقي كل شي جاهز حتى الفطور جهزية من الليل (انا اجهز شرايح خيار وطماطم وخس بصحن واغلفهم واحطهم بالثلاجة واعمل عصير البرتقال واحتفظ فيه بجك غامق عشان ما يفقد الفيتامينات مع النور واعمل ساندويتش تونة او جبن او مارتديلا واغلفه وعلى الثلاجة ولمن اصحى الفجر الاقي كل شي جاهز ملابسي وملابس بنتي وملابس زوجي حق الدوام حتى الجزم امسحها واجهزها اقوم اصلي الفجر واقرا قران واسخن الساندويتشات ونفطر واروش بنتي والبسها والبس وارتب غرفتي وعلى الجامعة) يعني البيت نظييييف مو تاركة اي شي فوضوي ابدا
ولمن ترجعي من الجامعة جهزي غدا بسيط مو لازم ستين الف صنف لا لا بس نوع رئيسي وسلطة مثلا ايدام ورز ابيض وسلطة
والتجهيز المسبق بالمطبخ راح يريحك بالمرة يعني في ايام العطله اسلقي لحم او دجاج بحبة بصله وعود قرفة وكم حبة هيل وقسمي المرقة بمستوعبات بلاستك وعلى الفريزر ولمن تحتاجيها طلعيها على الثلاجة من الليل ولمن ترجعي تقدري تعمليها اشكال متعددة من الشوربات كل يوم شكل مره كويكر بالطماطم ومره خضار ومره شعيرية ولسان العصفور ......ونجي للسلطة ’ قطعي كمية من السلطة تكفيكي 3ايام واحتفظي فيها بمستوعب بلاستيكي في الثلاجة وكل ما احتجتي طلعي الكمية المناسبة وتبليها بالصوص الي تحبيه بس انتبهي الي تحتفظي فيها بالثلاجة ما تضيفي لها اي شي لا زيت زيتون ولا ليمون ولا ملح وراح تجلس عندك طازجة لمدة 3 -4 ايام وتوفر عليك الوقت
الدجاج ممكن تجيبه مبرد مثلا 4دجاجات وتنظفية وتغسلية وتتبليه وتقسميه باكياس وعلى الفريزر ولمن تحتاجي خرجيه على الثلاجة من الليل ولمن ترجعي ممكن تسوية صينية بالفرن او ايدام او ....او ......اصنااااف كثيييرة
واستغلى الوقت وانت بتطبخي نظفي المطبخ وغسلي المواعين المستخدمة بالطبخ ورتبي الثلاجة يعني لا تخرجي من المطبخ الا وهو زي الفل بس باقي القدر الي فية الغدا وبس
اتغدو واغسلي صحون الغدا وروحي نامي انت والبيبي الين العصر ولمن تقومي ابداي بالتنظيف اليومي زي غسل الحمام وغسل الملابس والكوي لو غسالتك اتوماتيك خلي الغسيل يوم ويوم والنشافة الحارية تخلي الملابس مكوية على طول طبقي وعلى الدولاب والقطع الي يبغالها كوي اكويها على طول وهي حاره كويها سهل بالمره اما لو غسالتك عادية نصيحة مني اغسلي كل يوم (جمعي كل الغسيل الي طلع وعبي موية قليل واغسلية واكوي وعلى الدواليب مارح ياخذ منك وقت ولا راح يتراكم ويسببلك احباط
دوري بنفاضة الغبار وامسحي الطاولات واكنسي البيت وامسحي السراميك وبخري وريحي لمدة ساعة مع زوجك وبنتك وبعدين بقي التنظيف العميق .......
كل يوم اختاري غرفة من غرف البيت انفضيها من مسح النجفات والجدران والابواب وتنظيف الشباك وترتيب الدواليب ومسح الغرفة واخيرا كنس الارض ومسحها
صدقيني انو مارح يكون متعب لان الغرفة حتكون نظيفة من الاسبوع الي قبلو والغبار والاوساخ مالحقت تتراكم ويدك حتكون تعودت على الشغل يعني نص ساعة والغرفة شمامة زي الفل وباقي الوقت لنفسك ولمذاكرتك ولزوجك وبنتك وقيل ما تنامي رتبي البيت على السريع كل شي على مكانه وعودي زوجك على المشاركة الايجابية في المنزل يعني ممكن انو مثلا يكون غسيل صحون العشا كل يوم عليه او تنويم البنت او ترتيب غرفة الجلسة وهو وضميرو طبعا
واهم شي اهم شي النوووووووووووم بدري لو ما نمتي 8ساعات متواصلة مارح يكون عندك طاقة كافية للانجاز في اليوم الي بعدو ابدا وراح تكوني مرهقة وافكارك مشوشة وتصرفاتك حادة
وكمان لا تنسي الاذكار المعينة على العمل الي هي سبحان الله والحمد لله والله اكبر 33 مره قبل النوم والصلاة في وقتها بدون تاخير والمحافظة على ورد من القران الكريم واذكار الصباح والمساء وحلقة الذكر يوميا في البيت
يارب تكوني استفدتي من ولو شي بسيط وياريت تدعيلي بصلاح النية والذرية وعيشة السعداء والعفو والعافية بالدنيا والاخرة وحسن الخاتمة والفردوس الاعلى من الجنة اللهم امين

للرفع للفايدة

ما شاء الله لا قوة إلا بالله
الله يحفظك ويجزاك من الخير الكثير