طريقه حلوه

السلام عليكم ورحمة الله وبركاته

ادررررري اني مقله جدا في كتابة المواضيع وخصوصا هنا لكن والله اني مستفيده جدا من جميع الخوات فيهم الخير والبركه وجعله الله في موازين حسناتكم

والحين نجي في المهم

مريت بفتره اضطراب كبيره مع زوجي من مد وجزر بس وش نسوي هذي هي الحياه ويبغالها صبر وتحمل والله يريحنى بالاخره وفي قبرنا يا الله

تفيد هالفكره الاخوات الي مثلي ولا تيئسي ابد اذا كان زوجك من النوع الغير معبر او غير مهتم ( عشان مو الوحده تقراء وتقول ماينفع زوجي) ثابري اختي الكريمه لكسب قلبه وعقله

انا زوجي يعبر عن الشي بوقته ويتجاوب بسرعه عشان كذا اجرب معاه انواع كثيره من افكاركم وفيه بعضها ما يتجاوب معاه وكل زوج يختلف عن الاخر

جربت ارسله رساله باليل ويفتحها الصبح اول ما يروح دوامه وهي عباره مثلا عن تعبير لمشاعرك بدون عتاب بدون زعل خلي يتصبح بكلام جميل منك
والله العظيم بيكون ردة فعله حتى في نفسه بيكون نشيط ومبسوط اذا ماكان يعبر

ممكن تكون عبر الجوال او حتى بصندوق خاص بينكم يكون بمكان محدد تتبادلون فيه الرسائل

وان شاء الله تكون الفكره اعجبتكم مو لازم كل يوم عشان امكن الكلام يخلص لاني اكتبله انا بنفسي وما اخذ رسايل جاهزه من الجوال لكنها مفيده امكن الفجوه الي بينكم تصغر وتتلاشى

ادعولي ان نعود كما كنى

واسفه على التقصير وطول غيابي