مها

سامحيني وأنا آسفة .. أنا كذا دايم .. عصبية .. ويمكن انتي الي صرتي بوجه المدفع
كنت أتصفح المنتدى وألقى عناوين تجرك على وجهك مثل :
صوررررررر مكياج فظيعة .. ولما أدخل تقول ممكن صور مكياج ؟؟
وغير كذا أشياء كثيرة في المنتدى يبي لها تعديل كانت منرفزتني .. وزي ما قلت لك صرتي بوجه المدفع


الحين بكتب لك الي أعرفه من الطرق عشان تسامحيني أدري أكيد تضايقتي مني .. وأنا بعد تضايقت مني

1) طريقة التجعيد بالعسل
هذي نفعت معاي بس ما ارتحت عليها لأني لما ألمس شعري ألقاه يلزق بس كشكل كانت حلوة
طريقتها :


ملعقة عسل كبيرة في كاس ماء وتحركينه لين يختلط وتشطفين شعرك فيها
أنا أسويها قبل لا أتروش بسسسسسسسس عشان فوائدها واللمعه الي تعطيها للشعر ( يعني تغذية مو تجميل) بجد مفيدة

2) طريقة التجعيد بالفير

كشكل .. حلووووة وظبطت معاي بس الشعر يتعب بعدها كثير

طريقتها :

تفرقين شعرك عادي وتبدين تمسكين كل خصله ( الخصلة لا تخلينها صغيرة مرة ما تصير حلوة .. ولا كبيره مرة ما تنلف بسهولة )
وتبللينها بالجل أو الرغوة وتبرمينها بالفير وبعد شوي تفكينها بشوي شوي .. ولا تمشطينها أو تفرقينها خليها على شكلها لولبي أحلى

أما بالنسبة للجل أو الرغوة .. الجل يخلي فيها لمعه عكس الرغوة تخليها باهته مع انها تثبت أسرع من الجل بشوي .. بس أنا أفضل طريقة الجل

3) طريقة التلفيف بس مختلفة شوي
اذا كان عندك لفافات شكلها مثل السوارة .. هي اسطوانيه وتتسكر وتصير حلقة .. ما ادري اذا عرفتيها

اذا ماهي عندك تستبدلينها بالقصدير
تلفينه بشكل اسطواني حسب الحجم الي تبينه وبعدها تلفين شعرك عليه بعد ما تبللينه بالرغوة ( أثبت من الجل )
ولما تخلصين تلفين طرفين القصدير على بعض وتسكرينها بقوة وتفكينها بعد ساعات
اذا احتجتي شرح زياده سوي عنها بحث في المنتدى

هذي الطريقة ما جربتها بس جربت من زمان باللفافات العادية ومو مرة حلوة .. أتوقع هذي أظبط

باقي الطرق التقليدية الي ما تظبط على شعري بس على صديقاتي حلوة

لما تتروشين وقبل لا ينشف شعرك تغرقينه بالرغوة .. يصير شكله حلو بس ما يلمع

وفيه طريقة لما تتروشين تكثرين البلسم ( على أطراف الشعر بس لا تجين للجذور لأن البلسم ما يصلح لها ( كلام مختصه ) )
يعني تحطين بلسم أكثر من العادة وقبل لا يتشف شعرك تجففينه بالاستشوار بدون تمشيط .. بس هوا عشان يساعده ينفش
ويصير شكلة طبيعي .. وأهم شيييييييييي لا تمشطينه ابد

أنا جربتها بس ما ظبطت مرة .. يعني أطراف الشعر حلوة بس من فوق طايح وعلى العموم هي أحسن من انك تتركين الشعر ينشف بدون تمشيط .. يعني اضافة البلسم أفضل


وهذا عشان تسامحيني ولا تاخذين على خاطرك مني .. يمكن أكون عصبيةبس أرجع أتحسسسسسسسف على طول

و أنا آسفة من جديد

انتي سوي بحث بااسم ام الفزعات وتشوفين انشاالله موضوعها طريقتي في تلفيف شعري
اما الطرقه الي علموني في الدوره اول شي استشوري وبعدين سوي قصدير علحسب طول شعرك ولففي عليها نسيت اقولك انج تحطين قبل سبراي وبعدين برميها وخليها وبعدين فكيها هذا الي اعرفه وانا بعد خايره اختي تبيني اجعد شعرها ولاني عارفه وفي طريقه في المنتدى تجيبين فاشكول الحمام وتحطينه على شعرج وهو جاف منب ذاكره الطريقه بالضبط