بسم الله
اولا جيبيلك حوالي كيلو ونص من اللحمه الهبر او اشتريها مقطعه مكعبات طول حوالي ابهامك وبالنسبه لي افضل لحمة البقر علشان هبرتها تكون الين من الغنم
حطي مكعبات اللحم في اناء تبليها في نص ملعقه صغيره من كل من الدارسين والبهارات العاديه والبهارات الحلوه والكركم والملح والماجي الابيض ربع ملعقه
افركيه فيها زين ثم في الخلاط اخلطيلك علب فلفل حار حجمه وسط مع فصين ثوم وشريحتين زنجبيل وبصله وسط
ضعيه على اللحمه وقلبيه زين وغززي اللحمه بالشوكه من جميع الجهات علشان تتشرب الخلطه والبهارات
بعدين اخلطي لك 2 ملعقه خل و2 ملعقه زيت زيتون ونص كاس ماء ورد منقع فيه زعفران وصبيه على اللحمه وقلبيه واتركي اللحمه مغطيه ساعه
بعدين جيبي لك صينيه واقطعي لك قطعتين كبار قصدير وحطيها فوق بعض في الصينيه
طبعا اطراف القصدير تكون طالعه برا
ادهني القصدير بشوي زيت او سمنه اطعم وحطي طبقة شرايح بطاطس بعدين شرايح بصل ثم مكعبات اللحمه وشرايح سميكه طماطم فوق اللحمه
حسب الرغبه ضعي شرايح فلفل اخضر بارد
بعدين اقفلي القصدير على اللحمه من جميع الجهات زين مره
ودخليها الفرن من تحت مدة ساعتين ويكون معتدل الحراره
بالنسبه للتقديم
سويلك رز مصري مفلفل وحطيه في صحن تقديم حجمه كبير دائري وفرغيه من الوسط وحطي اللحمه مع المكونات بالوسط والرز حواليها
او حطيها بصينيه وبجنبها بطاطس شرايح مقلي
وبالهناء والعافيه
ام الكرم والجود @am_alkrm_oalgod_1
محررة برونزية
يلزم عليك تسجيل الدخول أولًا لكتابة تعليق.
&ام الشيوخ&
•
يعطيك العافيه بجربها وادعيلك ان شاء الله
الصفحة الأخيرة