كيفكم ياحوائيات
اليوم جايبتلكم طريقه لتجعيد الشعر
سارلي فتررره بنزل الموضوع بس ماتوفقت:(
يالله اخييرا تلحلحت ونزلت موضوع :icon28:, اتمنى انو يفيدكم
طبعا طريقتي صحيه ماتأذي الشعر
بس الطريقه هاذي ماتصلح للمستعجله لان لازم تسويها قبل المناسبه بوقت
المهم نبدأ بالخطوات
اول شي غسلي شعرك وجففيه بس مو مره لأ خليه رطب
حطيلو شوية كريم >>انا استخدم بلكريم الاحمر
وهاذي صورتو
بعدين لو حابه شعرك يكون فيه لمعه حطي شويييييه تونيك فازلين حبه يعني مسحه خفيفه
ولو حابه يكون مطفي "من غير لمعه" لاتحطين
ولو حابه انك تثبتينو عشان مناسبه رسميه حطي شويية جل بس بعدي عن الجذور>>بنات مو دايما تحطون جل لانو يخرب الشعر
بس لو مره عندك مناسبه مهمه حطي شويه
انا استخدم جل من غارنيه
بس ماسويتو بالجل غير كم مرره وداااايما اسويه من دون جل وطالع تمام
بعدين سوي الظفيره الفرنسيه زي كذا
بس وانتي تسوين الظفيره شديها مزبووط عشان تطلع مرتبه وخليها فتره طوييله:angry:
انا انام فيها لما الصباح ولما افكها تطلع رووووعه
مع ان شعري ناعم بس هاذي الطريقه الوحيده اللي ثبتت واعطتني نتيجه حلوه
هي تطلع شبيهه باللي في الصوره مالقيت غيرها توضح
بس اللي في الصوره ارتب شويه هي تطلع الشعر كثييف شويه واللي شعرها كثيير بتطلع واااااااو
ترا الكلام كثير بس الطريقه سهله وتستاهل
يالله ايش تستنون خلصنا:)
كل وحده تروح تجعد شعرها :42:
ياااارب يعجبكم موضوعي
في امان الله