من يوم تسجيلي في هالمنتدى الرائع
وأنا ألقى الفوايد إللي مالها حدود ماشاءالله وإللي نفعتي بجد من معظم أقسام هذا المنتدى
واليوم وبعد تفكير قلت لنفسي :
بطلب منكن ياأخوات ياخبيرات في النظافه والتلميع
أن تدلوني على منظف قوي وفعّال أنظف به شفاطة مطبخي
بدون ماأخرجها من مكانها لأنه سبق وأن أخرجها لنا زوج أختي وماعرف يرجعها مثلما كانت
المهم أبغى أنظفها وهي مكانها .
كمان طلب تاني وعارفه إني أمون عليكن :)
بوتاجازي لسّه جديد وهو بالكهرباء والغاز طبعاّ
لمّا أنظفه أغلفه بالقصدير لكن هناك مشكلة تجمّع الزيت تحته بسرعه
يعني لمّا أنزعه أشوف بحيره من الزيت فلذلك أبغى طريقه برضه سهله
لتنظيف الزيت من غير ماتدخل الرغاوي في العيون
يالله همتكن معاي ياأخواتي :)
أكون شاكره لكن إن ساعدتموني :26:
وجزاكن الله كل خير مقدّماً :)
بس أنا واخده على خاطري منكن
والحمدلله لقيت حل لتنظيف شفاطة مطبخي
من جد زوجي جاب البنجالي إللي يمسح سيارتنا وخلاه ينظف لنا الشفاطه
جهزت لزوجي الكلوركس وموبي منظف الفرن وتايد
وطلعت الشفّاطه تبرق من النظافه
ولا في أثر للدهون
بس كنت مو متأكده من موبي حق الفرن لأنه مايزيح الدهون بسهوله
عشان كده طلبت منكم نوع من المنظفات
المهم مادري بأيش نظفها العامل
وأرجع وأقول برضه مانستغناش عنكن أخواتي :)