طريقه سهله لغرس القيم في طفلك..

انا بطبعي عصبيه وما احب الغلط..واذا اولادي قامو بأي خطأكنت اضربهم لأني كنت ابغيهم قمه في الادب..وصرت اتعامل معهم على انهم يستوعبون كل كلامي..ونسيت انهم اطفال..ينسون الوصايا والتهديدات في جو اللعب..
وكنت احزن واحس بتأنيب الضمير بعد ماينامو..واتذكر ضربي لهم اللي يوصل اني اضربهم بالعصا..
تخيلوا..وكانت امي تهاوشني وتقول انت قاسيه..منوين جاتك القسوه وانا ماكنت اقسى عليكم..
وكانت احيانا تحلف علي اني ما اضربهم..وعلى فكره كانوا بناتي صغار وحده3سنين والثانيه2سنتين
تخيلوا..وكانت زوجه اخوي ماتضرب عيالها ايش ما سوو..فكنت اخاف بناتي يصيرو مثلهم ..فقالت لي امي على طريقه والله اني اترحم عليها كلما شفت نتيجه توجيهها لي..في بناتي ..اللي صاروا قمه في الادب ..والهدؤ..(طبعا مقارنه بالأطفال..الآخرين)وبشهاده الجميع..اذا حضرت عزومه يسمعون كلامي وتوجيهاتي ..في حين ان الحريم اللي كانوا ما يؤدبون اولادهم..صار الكل يتعوذ منهم واحمدلله هذا بفضل الله اولا..وثم طريقه امي ..الله يرحمها..ويوسع مدخلها..
كان تقول الطفل يحب القصص..هاتي لهم قصه..او..الفي قصه فها حيوانات..او عائله تشبه عائلتك وسوي احداث مشوقه ..وهم بفطرتهم راح يحبون ويتعاطفون مع الشخصيه الطيبه والصحيحه..ويحبون يقلدونها..ويكرهون الشخصيه السيئه وبينفرون من طباعها..وفعلا..اذا قلت ..انتي نفس ..(؟)شخصيه في القصه تقول لي لا ياماما خلاص ماعيدها..وهكذا.
والله يصلح لنا و لكم الذريه..ولجميع المسلمين..