طريقه سهله لقص الشعر فى المنزل

أنا جم مرة قاصة شعر بنتي...و بعلمج بعد كيف تقصين شعرج....

شوفي أول شي غسلي شعر بنتج...و بعدها قعديها بحيث يكون مستواها مثلج..و ما تتعبين و انتين تقصين...

ثاني شي أخذي فوطه..لونها سادة فاتح..و لفيها على رقبتتها ((سادة علشان تشوفين الشعر تمام ))....

بعدها مشطي شعرها ..و فكي اي تعقيد منه ....

و قسمي شعرها ثلاثة أقسام ..و كل قسم ثبتيه ...

فرقي نص شعرها .نص فوق و نص تحت..و النص الفوقي قسميه قسمين ...

و أبديء بالقسم التحتي..مشطيه..لين ما يكون مستقيم...

و قصي الحد اللي تبغين تقصينه...((حطي ببالج أنه الشعر لما يجف بيكون أقصر..فسويه أطول شوية من الطول اللي ببالج))...و أحسن لج تجيبين مقص كبير ...لأنه بيقص كمية أكبر...

المهم ...أمسكي خصلة الشعر بين طرفي أصابعين و حددي اي مقدار تبين تقصين ..و توكلي على الله و قصي ...
و بعدها امسكي الخصلة اللي جنبها وضمي معها شوي من الشعر اللي كملتي قصه..و قصي على نفس الطول...لين ما تخلصين القسم النصفي كله...

بعدها أمسكي الخصل على الجانبين بين اطراف أصابعج..و تأكدي انهم نفس الطول...

بعدها نزلي القسم اللي فوق..و قصي نفس طول اللي تحت ...و تأكدي أنه نفس الطول...


مشطي..و قصي ...و تأكدي أنه الطول متساوي...

بعدها إذا بغيته غرة تقصين للبنوته...خليها قبالج...و أخذي من الامام الكمية اللي تبغينها للغرة..

لا تآخذين من الشعر وايد..يعني من نص الراس...لا أخذي مقدار قليل..بعدها ثبتي الشعر اللي ورا..علشان ما يختلط بشعر الغرة و مشطي الشعر ...و خليه بين طرفيه أصابعج...و الحد اللي تبغينه قصيه..بس انتهي لا تقصينها وايد قصيرة..لأنه الشعر مبلول....و اذا جف بيقصر..

هذي لو كني تبغين الغرة متساوية ..

إذا تبغينها مدرج...أرفعي الشعر كلها لأعلى بحيث يكون عمودي..و بعدها قصي ..

و بعدين قسمي شعر الغرة لثلاثة أقسام...

القسم اللي تحت بيكون أنتي قاصته..بعدها اللي فوقه قصيه أقصر شوية..و اللي فوقه بعد اقصر من اللي تحته..
و مشي الغرة على الجانب و بتطلع روعة

بالنسبة لشعرج..بقولج طريقة تخلي شعرج ينقص بطريقة حلوة ..و يكون فيه طبقات و تدرجات متداخله بالاطراف....

مشطي شعرج...و أعمليه زيل حصان ....و خلي الربطة مشدودة وايد....

بعدها لفيه كأنج بتسوينه حلزون

شفتي كيف تلفين السجادة ..لفيه...بعدها قصي 4 أصابع منه..

و فتحي شعرج...و بتشوفين تدرجات على الاطراف روعة..كأنه كوافيرة قاصته

يعطيك العافيه اختي شغوفه


بغيت اسألك عن طريقة شعر الوحده لنفسها

هل تقصدين برم الشعر بطريقه لولبيه زي لو تلفينه بالفير بس يكون مشدود شوي؟؟؟؟صح ولا غلط؟؟
وهل ارتفاع ذيل الحصان او انخفاض له تأثيره على القصه؟؟؟
مشكوره مقدما
والشكر موصول لصاحبة الموضوع

اسمج حلو،،،،،،،،،،،،،،،،، الله يبارك فيج

كلنا استفدنا مشكوووووورة