طريقه صنفره قبل الساونا او الحمام العادي مجربه ومضمونه 100%

السلام عليكم ورحمة الله وبركاته
اليوم جايبه لكم طريقة صنفرة قبل ماتسوين حمام مغربي او اي حمام عادي والله انها تغيرك 180% درجة روعة والله تقشر الجسم بشكل فضيع واستغنى عن اي صابون واستخدميها اسبوعين وتلاحظين جسمك يتقشر والسواد الركب وغيره يروح والله العظيم
جهزوا ورقة وقلم
كوب سكر خشن او ناعم
كوب ملح خشن او ناعم
علبه زيت زيتون
علبه زيت اللوز للجسم
علبه زيت جلسرين
علبه ملح الحليب
علبه فازلين متوسطه الحجم
علبه جليسوليد الاحمرمتوسطه الحجم
علبه ماء ورد
اي صنفره للجسم بالمشمش انا استخدم اللي لونها برتقالي
صابونه الغار تبشرونها
صابونه ملح الحليب تبشرونها
علبه وسط صابون المغربي السائل
كوب عصير ليمون
علبه زيت جونسون اطفال
كأسه بودرة جونسون اطفال
كوب حبه بركه او حبه سوداء مطحونه
تخلط جميع هذه الاشياء في الخلاط او باليد وتوضع على نار هادئه حتى يتجانس الخليط ثم ترفع من على ا لنار وتترك تبرد وتوضع في علبه بلاستيك وتستخدم مع اي حمام مغربي او حمام عادي انا استخدمها مع حمام عادي يومياً اما في وقت حمام الساونا انا اسويه طبعاً كل اسبوع علشان السمنه وممكن اذا حطيتي الخلطه على جسمك فيه ملابس بلاستيك تحصلينها عند محلات الرياضه اطلبيهم قولي ابي ملابس بلاستيك كاتم حق الرجيم والبسيها واعملي ساونا وهي عليك والله فضيعه ينزل منك بلاوي:09: وربي وراح تلاحظين الفرق من ثالث حمام ان جسمك بداء يصير ناعم مرة ويتقشرة وبعد ما تسوين الحمام وطبعاً تفركين جسمك في ليفه مغربيه او الليف القفاز من بودي شوب اذا طلعتي ممكن تحطين كريم مرطب من جونسون او اي كريم والله يابنات ماراح تستغنون عن هالحمام وراح تتركون اي منظفات للجسم مثل لوكس ودوف وغيرها واي سؤال انا حاظره بس اللي تستخدمها تدعي لي بالزوج الصالح وان ربي يرزقني في اللي بالي ويشفيني من كل حسد وعين وغيره