مساء الخير
هذي أول مشاركه مصوره لي في القسم
عباره عن أكله شعبيه مره حلوه
هي (( المرقـــــــــوق )) أتمنى تعجبكم مشاركتي الأولى وأعدكم بالمزيد لو شجعتوني
بأبداء في الطريقه
سوي كشنه عاديه بصل وثوم وطماط ومعجون طماطم وبهارات و خليها تتسبك
بعدين حطي معاها الخضار أنا حطيت بطاطس وجزر وكوسه وقرع أصفر وحطي معاه قطع اللحم أو الدجاج أنا فضلت الدجاج
بعدين حطي عليها المويه (على حسب كمية العجينه وملحيها
في هذي اللحظه وبين ما تفور المويه مع الخضار أعجني عجنه متوسطه ماتكون خفيفه ولاثقيله مقاديرها دقيق بر أو أبيض أنا حطيت شوي أبيض وشوي بر وملح ومويه للعجن )بعدين أفرديها على طاوله وقطعيها صغار أو أفرديها مباشرة على يدك وحطيها على الخضار
بعدين أضربي العجين بملعقه عشان يتقطع الخبز ويصير صغار وغطي عليها أنا حطيتها بقدر الضغط عشان ماتتطول عشر دقايق وصار جاهز
وهذا شكله النهائي
وهذي الصوره عن قرب أكثر
وعليكم بالعافيه
بالعافيه