مساء الفل
كيفكم صبايا جايبه لكم اليوم مجموعة خلطات للعنايه انما ايه بتعجبكم ان شاء الله وطبعا مو من تأليفي لان المخ بعيد عنكم بداء يقفل :06:هذا انا اقولكم منقوله وتوقع اللي بتستمر عليها وما تكون زوله مثلي بتلقى نتايج حلوه
ولا واصيكم بنات ادهرو خلطات ورجيمات عشان الصيفيه تكونو ولا اروع والله يزوج كل بنوته بزوج الصالح ويزين كل متزوجه بعين رجلها مع انهم لا يعجبهم العجب ولا الصيام برجب :16:عموما اخليكم وياي الخلطه وتكفون بنات ادعو لي بالصلاح انا وعيالي والتوفيق
بقولكم برنامجي الخاص فيني ولي خلاني اقلب 180 درجه ..أول كنت سمره وكل من شافن من جماعتنا قال من طالعتن عليه هالبنت.. خصوصأ أن خواتي ملكات جمــال يعني فضيحه انا من بينهن.. وماكنت حاسه بهالشي اليييين دخلت الكليه وهي الكارثه البنات أنواع العنايه بياض وشعور وجمال ونا طالعه كني جايه من البر بينهن.. والحمدلله ربي أنعم علي بصديقات علمني كل شي الين صرت أهببببببببل.. حتى حريم وعجز جماعتنا يحسبني مرت اخوي الحلوه وانصدمو لمن قالت أمي هذي بنتي فلانه.. ونا انواع الوناسه هع هع
المهم ماودي اطول عليكن ..
برنامجي:أول شي أتركي كل العادات السيئه الي كنتي تستخدمينه لجسمك ..طبعا لمن كنت قبل كنت استخدم الموس وانواع السواد بأبطي وسيقاني ومبهذله الين تركتوه وصرت استخدم حلاوه (كنوز الي لونه بيضاء) والحمدلله خف السواد بس بدرجه بسيطه.. وبعدها استخدمت مقشر (بيبي فيس رقم 3) باليوم امسح بقطنه فيه تقريبا ثلاث مرات لمده 4 او 5 ايام وبعدها خليها يتقشر وشوووووفي بعينك السواد كيف يتطاير ورطبيه بأي مرطب..
وقطي كل مزيلات العرق الي عندك واستخدمي مزيل عرق طبيعي الي هو
جلسرين سايل +عصير ليمون+ملعقتين شبه) وخليه هو مزيل عرقك..وكل مده شهرين سوي نفس الطريقه.. والله يابنات أن ابطي كان اسووووووووود فحمه والحين يلق لق..
بالاضافه اني اذا طلع الشعرابطي اشقروه (البلوندر+بروكسيد6%) يعني مو على طول أشيلوه بالحلاوه وبكذا يصير أباطك اوئشطه..
نجي للجسم..
أنا بصراحه مدمنه خلطات ومن كثر الخلطات عرفت وش الي ينفع ووش الي مايبيض وبقولكم الي نعفووني مرره وخلوني بيضا على وردي بعد ماكنت سمرررره مفحمه وانواع البقع بجسمي..
أبشر صابونه بابايا 5×1 وأبشري معها صابونه دوف بالخيار وانقعهن بماء ورد وبسسسسسس لاني ماحب الخلطات وهالسوالف
اخليه يوم كامل (واخليه صابونه جسمي الخاصه) طبعا لمن ادخل بتروش ببلل جسمي واخلي هالخلطه 3 دقايق وافرك فيها بالليفه المغربيه وبعدها أغسل واكون عاصره ليمون(انا عاصره الليمون وحاطته بعلبه اسهل يعني ) وارش جسمي فيه واجيب ملح الحليب وملح البابايا (خالطتهم بعلبه كلهم ماركه يوكو)واحطها على جسمي وافرك فيهم بالليفه المغربيه بشكل دائري..
وتعاليييييييي وشوووووفي الوووسخ والبلاوي الي تطلع منك بعد ماتفركين..
انا أول مره طلع لون المويه بنييييييي وربي انخرعت هههه
نجي لنقطـــــــــــه المهمه الي هي بعد ماتطلعين من الشاور...
ترشين على جسمك ماء ورد إيراني (تلقونه عند الصفوه الي بجنب عبدالرزاق)سعروه ب20 ريال
ترشين على كل جسمك وبعدها تدهنين باللوشــــــــــــن بس مو إي لوشن..مقاديروه
كريم جلسرين+زيت لوز مر+جل بيبي جونسون+فيد أوت البني) والله يابنات لو تستمرون على طريقتي اسبوعين بس لاتصرووون نجفاااااااااااااااات ..ونتن لو مو عزيزات علي ماقلت لكن وأدري اني زودته وطولت به..بس تكفن مابي منكن غير الدعوه بالزوج الصالح والوظيفه ..والله الله بالردود ...... هذي أول مشاركه لي ولا تفشلنن..
جدولك يشبة تقرييبا جدولي
وياررررررررررررب يرزقك الزوج الصالح يارب ويرزقني ويرزق جميع البنات عاجلا غير آآآجل ياااااااااااااااااااااارب
والله يستر علينا يارب
تحياتي