طريقه كشري00ضروري

وعليكم السلام

بقولك طريقتي,, أولاً أنا أستخدم الرز العادي فيه لأن المصري أحسه صعب شوي
أقطع حبة بصلة ناعم وأشوحها عالنار مع زيت لين يتغير لونها لقريب الذهبي البني بس ما تحترق انتبهي
بعدين أضيف العدس وأقلبه معاها شوي وأضيف الموية وأحط ملح وشوي بهارات لو حبيت
وأخليه لين يستوي العدس تقريباً يعني يكون باقي له شوي ولمن تمسكي حبة العدس وتضغطيها بيدك تكون راحت القساوة اللي فيها
بعد كذا آخذ مويته " يعني أصفيه من الموية وآخذها "
وأحط الرز وأقيس عليه موية العدس تمام لين يشرب الرز مويته ويبقى شوي منها "يعني لمن تقلبي الرز تشوفيها"
أرجع أضيف العدس عالرز وأقلبه وأتركهم يكملو سواء مع بعض
المقدار العدس يكون نصف مقدار الرز
وبالنسبة للصلصة تبعه أضرب طماطم مع ثوم وشوية خل وزيت وأتبلها وأحطها عالنار لين تثقل شوي
والمكرونة طبعاُ تسلقيها وبس ترتبي طبقك وطبعاً تكوني قالية بصل جوانح
إن شاء الله أكون أفدتك
على فكرة أعتبر هالطريقة من أسهل الطرق ويطلع الكشري مفلفل جربيها وأعطيني خبر
ومو ضروي تنقعي العدس ولا الرز إلا لو إنت من النوع اللي متعود عالتنقيع

طريقتي لذيذه جدا بشهادة كل من ذاقه... السر في الكشري زيت البصل.اول شي قطعي البصل ورشي عليه ملح واتركيه شوي عشان يصير مقرمش وعقب جيبي نص كاس زيت وحمريه فيه واذا تشقر طلعي البصل في مصفى وخلي الزيت بنحتاجه
تسلقين مكرونه....وتسلقين العدس اذا حسيتي حبته استوت خذي مويته واطبخي فيها الرز وحطي حبة ماجي.. اذا قرب يستوي الرز حطي العدس معاه....بعد كذا خذي مقدار من الزيت اخلطيه مع الرز والعدس والمكرونه عشان يتشبع بالطعم.
الصلصه حمري ثوم وبعد كيذا حطي عليه عصير طماط ومعجون طماط وخليه يغلي لحد مايثقل بعدها ضيفي شوي كمون وشوي خل واذا تحبينها حاره ضيفي فلفل حار بودره او اطحنيه مع الطماط

الرز العادي

طريقتي بسيطه
اسلقي رز عادي وبعد ماتنشف مويته حطيه في الصينيه
واسلقي مكرونه واذا استوت صفيها من المويه وحطيها على الرز
والحين بتكوني سالقه عدس بني اذا استوا صفيه من المويه و خليه على جنب
وقطعي بصل كبير واحمسيه في الزيت لين يصير لونه ذهبي وحطي عليه البهار والماجي والعدس واخلطيها وكبيها فوق المكرونه

وسوي صوص مكون من طماطتين تطحنينها وثومه محموسه في الزيت شوي بس وحطيها على الطماطه وحطي عليها صلصه وشوي ماجي وفلفل اسود وملح
واخلطيها مع بعض بعدين حطيها على النار حتى تتسبك واضيفي لها الزيت حق الثوم وصبيها على الصينيه وغطيها بالقصدير ودخليها الفرن قبل التقديم بدقايق

عادي لو تسوينها قبل بوقت يعني في الصبح او الضهر وحطيها في الثلاجه واذا جا وقت التقديم حطيها في الفرن
وبالعافيه

والرز الرز العادي انا استخدم الوليمه

الرز العادي أفضل وخاصة رز أبو كاس