شوفي اذا تبغين طريقة مثل الكوافيرات استعملى استشوار قوي كثير وحركي الفرشاة شوي شوي .. وان شاء الله راح تشوفي.. تحياتي ..:27:

:11:

أم عبودي السعودية
حبيبتي من عيوني اشرح لك... الغلط اللي تسويه المجد 555 هو انها تستشور شعرها من المنابت ((جذور الشعر)) بشكل افقي... يعني انا متأكده انها تمسك الخصله بالفرشه و تحط الاستشوار عند الفرشه على تحت.. و تستشور على تحت... يعني بنفس شكل الشعر من فوق لتحت... وهذي الطريقه ما تتسوى الا اذا تبين الشعر يكون سااايح و ستريت

لكن اذا شعرك خفيف.. مايصير تستخدمينها.. لازم تسوين العكس عشان يصير كثيف..
اوووكي خطوه خطوه...
اولا.. اذا كان شعرك من النوع اللي ينتفش بعد الاستشوار بفتره ........لازم تبللين شعرك قبل الاستشوار..او خلي بخاخ مويه عندك و رشي على الخصله شي بسيط من المويه..بهالطريقه ماراح ينفش ابد
ثانيا.. الفرشه لازم تكون كبيره شوي (حجم علبة البيبسي تقريبا)
*بعد ما تبللين شعرك او تكونين متحممه... المهم شعر مبلول بس منشفته بالنشفه (يعني مو يقطر مويه)
*تقسمين شعرك اربع اقسام -نصين من قدام و نصين من ورى- وثبتي كل جزء بكلبسه
*تبدين من الخلف..اي جزء فكي الكلبسه ونزلي خصله..
* جيبي الفرشه وحطيها عند منابت الشعر و حطي الاستشوار بنفس اتجاه الفرشه..يعني مو يكون فوقها بالضبط يصير مااااااااايل "جنب الفرشه وبكذا الهوا راح يكون بنفس اتجاه الشعر"
*ابدي ارفعي يدك اللي فيها الفرشه على فوووووووووق - يعني مو على تحت عند رقبتك "عكس اتجاه الرقبه"- والاستشوار معاها بنفس السرعه..
* عيدي على الخصله مرتين او ثلاث,,
* حطي الاستشوار من تحت الشعر بعد يعني اعكسي الشعر بدال ما يكون فوق الفرشه خليه تحت الفرشه ((هذي الحركه سويها على الجذور بس)) وطبعا كل هذا الاتجاه راح يكون على فووووق... ما يصير على تحت ابد
*اذا نعمت الخصله روحي على اللي بعدها...
وهكذا حتى تنتهي الكميه....هههههههههههه ماصار شعر صار سمبوسه
يارب تكونين فهمتي علي.....يارب يارب:26:

بنات الله يخليكم حاولوا تحطون صورة لسيروم كريستال.. ):

بنات هل هذا هو السيروم؟؟
من كريستاس؟؟ هذا اللي تقصدونه؟

او هذا

او شي غير هالماركه اصلا؟
انا اعرف انه هذي احسن ماركه للشعر...:27: