طريقه للسينابون اتحداااااااااااااااااااكم ماتطلع نفس الجاهز واحلى..حياكم

*المقاديـــــــــــــــــــــــــــــــــــــــــــر:

- 4 اكواب طحين الكويت (لاااااااااااااااازم)
- 4 ملاعق طعام حليب بودره
- 4 ملاعق طعام سكر
- 1 ملعقه شاي ملح ممسوحه خفيف يعني
- 1 بياله او استكانه شاي زيت
- 1 ملعقه طعام خميره فوريه
- 1 ملعقه طعام بكينج بودر
- تقريبا 1 كوب ماي ( انا قلت تقريبا يعني حسب الطحين)
- زبد مذوبه بدون مايتغير اللون
- سكر + قرفه مطحونه
- حليب نستله المحلى للتغطيه

* الطريـــــــــــــــــــــــــــــــــقــــــــــه:

- نخلط المقادير الجافه مع بعض ثم نضيف الماي بالتدريج ونعجن لمدة من 5-7 دقايق حتى تصير ملساء ونتركها ساعه او اكثر لحد ماتتخمر

- نرش طحين على سطح العجن ونعجنها مره ثانيه ونقطعها 3 دوائر متساويه ونغطيها ونتركها ترتاح

- ارق العجينه على شكل مربع ( طبعا كل دائره منفرده لحالها) وندهنها بالزبده وترش بالسكر ثم القرفه المطحونه ونلفه على شكل رول ( اسطوانه يعني) ويدهن بالزبده من كل الجوانب ويقطع دوائر متساويه ونضعهم بصينيه مدهونه بالزيت ولما نحطهم بالصينيه نضغط عليهم ضغطه خفيف علشان يترتب شكلهم ونتركهم 5 دقايق وندخله فرن مسبق التسخين
- اول مانطلعهم من الفرن مباشره نسقيهم بحليب نستله وممكن نحط جوز حسب الرغبه, ولااااااااااااااازم تغطونها بصينيه ثانيه علشان تكون طريه عند التقديم

:) وبالعاااااااااااااااااااااااااااافية