طريقه مجربه ومضمونه ان شاء الله للبذنجان المقلى بدون زيت

السلام عليكم

جربت عده اشياء للتخفيف من الزيت فى البذنجان المقلى ولكن افضل حاجه الخطوات اللى جايه ان شاء الله

قطعى البذنجان بعد غسله الى حلقات غير سميكه يعنى متوسطه

رشى عليها ملح من فوق وتحت بعد شويه حتلاقي انها نزلت ميه كتير

وبعدين حطى زيت عميق على النار وخليه يسخن

على بال ما يسخن هاتى قماشه قطن نظيفه ونشفى البذنجان من الميه وبعدين اقليه وده بيمنع امتصاص زيت كتير ويمنع الطرطشه

طلعيه على مصفاه وبعدين بقى الحركه الجديده انك تقومى مخليه البذنجان وهو فى المصفاه
تمررى عليه الميه من الحنفيه على السريع مجرد بس ان الميه تعدى عليه وبعين تسيبيه يصفى حتلاقى الميه نزلت ومعاها كل الزيت الزايد وبعدين تحطيه على مناديل علشان ينشف وتشليه بحرص

وبعد كده تبليه بالتوم والبقونس والخل ولو شوحتى التوم والبقدونس على النار مع نقطه زيت بيقى احلى وتحطيه طبقات من البذجان وبينها التوم والبقونس ويرش الخل فوقا وقليل من البهارات

ويارب تستفيدوا ان شاء الله