طريقه معروفه لتحسين شكل للقيمات

السلام عليكم ورحمه الله وبركاته عزيزاتي .....
لكل من تحب تحسين شكل للقيمات وللاخت - شوفي الشمس - العزيزه إللي وعدتها اعلمها الطريقه
ولكل من يطلع لها بطه وقطه وآآآآشباح إذا صبت للقيمات اقول شوفوا عزيزاتي
1-خذي قطعه من العجينه وضعيها في يدك اليسرى ثم اضغطي عليها حتى
تخرج من بين الاصبعين الخنصر ( وهو الاصبع الكبير ) والبنصر ( وهو الاصبع الذي نرفعه عند التشهد في الصلاه )
2- بإصبع اليد اليمنى خذي العجينه عندما تخرج وأنزليها في الزيت ( وخلي بالج على اصبعج من الزيت الله يحفظج )
راح إتشوفين للقيمات صارت إمدوره , ومع الممارسه مره على مره راح إتشوفينها صارت مثل كره التنس تبارك الله .
(عزيزاتي آنا اول ما تعلمت اصب للقيمات سويت الهوايل من الاشكال شي له ملامح وشي ما له ملامح
وإلحين تبارك الرحمن مثل كره التنس وإن شاء الله راح إتصيرون مثلي وأحسن . :)