كيفكم حوائيات
اليوم جبت لكم طريقه الوالده الله يحفظها لورق العنب
سوتها لي يوم جيتها بالاجازه فديتها تدري اني احبها من ايدينها
لانها مميزه جدا ولها نكه غييييييير
حتى يوم انا اسويه اظبطه بس مايطلع زي اللي امي تسويه عاد امي نفسها بالطبخ لايوصف
اللي ياكل من ايدينها يعاف غيره
ياعمري زهقتها وهي تلف كل شوي اقولها اصبري وهاتي تصوير عاد كملت وياها لف
حتى يوم غرفته بالصحن قالت ها ماتبين تصورينه قبل لايجون اخوانك :42: ههههههه عرفتلي الوالده
المهم ابدأ >>>> ادري طولتها عليكم :30:
مقادير الحشوه حسب كميه ورق العنب اللي عندك :
طبعا تكونين طلعتي ورق العنب من العلبه وخليها ع شكلها لا تفككينها وحطيها بمصفاه حتى تنزل مويتها وخليها ع جنب
رز مصري ( ينقع قبل غسيله بمويه حاااااره + ملح لمده 5 دقايق بس وتغسلينه زين وتخلينه يصفى من المويه زين )
( هذي الطريقه تخليه يستوي بدون مايعجن ابد ابد ولا يجلس حب داخل ورق العنب )
لحم مفروم
ماجي
4 حزم بقدونس مفرومه وسط (هو اللي يزين الحشوه )
ملح
بهارات
بصل اخضر مقطع شرايح
وتخلطينهم زين مع بعض وهذي صورته الحشوه نيه
نجي الحين لطريقه اللف
الورقه تخلين وجهها الناعم تحت والخشن فوق
لاحضي الكميه اللي تنحط داخل الورق قليله لان اذا كثرتي الحشوه راح يتقطع الورق العنب لما يستوي الرز
اتمنى تكون الصوره واضحه
هذا شكلها النهائي
يالبيه ع لف امي مرتب مره مو مثل لفي انا:(
قبل ماتصفينه في القدر جيبي بطاطا + طماطم وقطعيهم شرايح غليضه شوي وصفيهم بقاع القدر عشان مايحترق ورق العنب
وانتي قاعده تصفين بعد كم صفه ورق عنب وزعي شرايح سخيفه جدا ليمون لان اذا الشرايح غليظه راح يمرر بالحشوه وهكذا الين ماتخلصين
وهذا شكله قبل مانصفه في القدر وبعد ماصفيناه
بعد ماتخلصين تحطين 2 مكعب ماجي مذوب بمويه حاره بالقدر وتكملين عليه وتصبين مويه الين مايغطي اخر طبقه ( انتبهي تزيدين المويه وتغرقين الطبخه بيطلعلك الورق العنب كله فوق بس كلما حسيتي ان الطبخه محتاجه مويه زيدي ع دفعات كذا راح يستوي ع مهله وهو بمحله )
الباقي من الحشوه جيبيلك قدر وحطي شويه زيت سخنيه ع النار وحطي فيه باقي الحشوه وصبي مويه حاره واطبخيه ع نار هاديه الين مايستوي
الورق العنب ممكن ياخذ 3 ساعات ع نار هاديه غير كذا بتخرب الطبخه اصلا فأمي ايش تسوي تلف قبلها بليله وتخليه بقدره في الثلاجه لثاني يوم ومن الساعه 9 حكم او قبل بعد تحطه ع النار وترتاح
لاتردون باقي صور
:p يمييييييييييييييييييييييييييي :p
وهذا يوم غرفناه بالصحن يسلم ايد امي
:o:32:
طبعا امي زادت عليه كم حبه كوسا على كم حبه باذنجان ع كم حبه فلفل حلو طبعا ورق العنب مو مبين زين تحت المحاشي والله مامداني اصوره الا العيله كلها قلطت :Dههههههههههههه:D
وسلامتكم يالله عاد اذا عجبكم ابي ردودكم وتدعون لامي بالصحه والعافيه