مصرية
شوفى بقى افتحى ودانك كويس وقبل ودانك ياريت تفتحى قلبك كمان لو سمحتى عشان تفهمى كويس الكلام اللى هقولهولك ده وده طبعا يرجع ليكى عاوزة تفهميه ازاى ولو مش عاوزة تكلملى قراءة وكلامى مش يهمك برضه شئ يرجعلك
انا بس حبيت اوضحلك كام نقطة كده مع ان البنات ماشاء الله وضحوا كل شئ
شوفى انتى ياحبيبتى بتقولى بالحرف الواحد""انتي متعرفيش ظروف التانين ايه برده عشان تحكموا عليهم""
طيب ماهو الكلام ده برضه انتى مش عملتيه لانك اتهمتى نيفو انها تقصدك مع انها قالتلك بصراحة انها ماتقصدكيش انتى واكيد هى قالت كده طبعا مش لانها مجبرة تقول كدة ولا لاسمح الله خايفة منك بس قالت كده لانها فعلا ماتقصدكيش
وانتى معرفتيش تقدرى ظروف نيفو اللى اضطريتها اصلا تقول كده لانك مكنتيش معانا من الاول وشوفتى البنات اللى بيدخلوا يطلبوا المعلومة ويبقوا مستعجلين جدا على الرد ولو لاقدر الله محدش رد عليهم يفضلوا يقولوا زى ماطمطم كده قالتلك المصرين والبنات فى التجمع على اساس يعنى انهم دافعين لنا مثلا ومش فاهمين انه ماينفعش حد يطلب خدمة من حد لوجه الله وبعدين يلومه على تقصيره كده على طول لا وايه بيبقى كمان ظالمه لان البنات هنا بصراحة مش بيقصروا واللى بيقصر هو اللى بيدخل مستعجل ومش فاضى يدور على اللى رد على اساس المفروض ان الخدامين بتوعه يجيبوله الرد لغاية اوضة النوم
وبالنسبة بقى لانك بتقولى ""والمفروض ان لما واحده تفيد وحده في المنتدي بيبقي لوجه الله ومش منتظره منها اي شئ""
طيب مين قال اننا منتظرين اى شئ من البنات اللى بيدخلوا يستفادو ؟
بس الكلمة الطيبة صدقة ودى برضه مش ضرورية لو اللى استفادة بالمعلومة مش عاوزة تقولها يعنى مثلا انا سالت البنات على معلومات ومحدش رد عليا لازم التمس اعذار يعنى انا نفسى مش عارفة الاجابة مين قال بقى انهم عارفينها او المفروض يبقو عارفينها؟
واحنا هنا مش دكاترة عشان معلوماتنا تبقى جاهزة وحاضرة للاجابة على كل سؤال بس كل واحد عنده معلومة حتى لو مش اكيدة بيدخل بيقولها وبنتناقش فيها لوجه الله تعالى
بس اللى مطلوب ان اللى يشارك معانا جديد يفتح قلبه ويعرفنا ويفهمنا وبعدين يحكم علينا
تعالى اضرب لك مثال
بس خلينى اسالك سؤال الاول
انتى لما دخلتى الموضوع بتاعنا وشاركتى وكنتى طالبة معلومات مثلا وانا للاسف معنديش رد للمعلومة دى
من حقك تزعلى منى؟ طبعا لا <<اسمحيلى اجاوب من وجهة نظرى
ثانيا لو انا سالتك دلوقتى على معلومة وهى عندك ومش حابة تديهالى لانك مش متاكده منها ينفع ازعل منك بالعكس احترمك وممكن اقول انك ما اخدتيش بالك من سؤالى واوجهه لك مرة تانية وتالتة
مصرية عارفة محدش هنا بيكره حد ولا بيكون قاصد يتجاهل حد ولو شفتى هنا لوم بين البنات وبعضهم ومعاتبة
فده عشان العشم ياحبيبتى احنا هنا بقالنا تقريبا سنة او اكتر مع بعض وكل يوم بنزيد وبنفرح جدا لما بنزيد عارفة ليه عشان ده بيتنا وبيتنا بيكبر لما كل يوم واحدة جديدة تدخل تسكن معانا فيه
وكمان عشان العدد بيزيد ففرص الحمل الحمد لله بتزيد نسبتها لانها نسبة من التوتال
فالامل عندنا بيزيد وبيتجدد جوانا وده بيدينا دفعة فمستحيل نكون حاسين اننا بنضيع وقت هنا
عشان كده لو سمحتى اسحبى اسفك اللى انتى بتتاسفيه ده لانك ولا ضيعتى وقتنا ولا حاجة
لان لو وقتنا فعلا ضاع يبقى انتى واحدة من الناس اللى بنتكلم عليهم داخلة تاخد معلومة وتجرى مايهمهاش تفيد زى مااستفادت مننا
وانا مظنش انك من النوعية دى يا مصرية ياللى بتحب مصر وبنات مصر وان شاء الله ظنى مش هيخيب فيكى
لو كلامى زعلك فى حاجة ياريت تعاتبينى وماتشيليش فى قلبك منى والعتاب لغة الاحباب وحظك بقى يكون ده اول رد منى ليكى
يانيفو
مصرية عشمانة فينا عشان كده قالت الكلام ده بس بعد كده لما تعرفنا نبقى نعلق لها الفنكة لو عملت كده تانى
على فكرة يامصرية ياريت تقرى الاجزاء اللى فاتتك كلها << اهو منها عقاب ليكى على عدم معرفتك بينا واهو برضه تتعرفى علينا اكتر
مصرية
شوفى بقى افتحى ودانك كويس وقبل ودانك ياريت تفتحى قلبك كمان لو سمحتى عشان تفهمى كويس الكلام...
علشان خاطري يا حبيبتي حاولي تاخدي علي الأقل أسبوع بعد نقل الأجنة
متستسهليش علشان تبقي اخدتي بكل الأسباب يا حبيبتي
والله انا بالرغم اني كنت مقيمة في البيت بس طبعا كنت بنزل كام سلمة كدة علشان انا في بيت عائلة ولازم اتواجد كل يوم
حاسة بتأنيب ضمير جامد اوي وبقول يمكن نزولي المستمر هوا اللي مخلاش الأجنة تثبت ، مع اني عارفة ان لو ربنا رايد اكيد هيكون بس برده بنحاول ناخد بكل الأسباب علشان نبقي عملنا اللي علينا
انا حقولك التعليمات اللي مركز جنين بيقولولنا عليها ومكتوبة في ورقة وبيأكده عليها جدا : ( وياريت اي حد داخل علي الحقن المجهري يلتزم برده بالتعليمات دي )
1) اول خمس ايام الاسترخاء في المنزل وعدم القيام بأي مجهود وتجنب أي انفعالات .
2) ممنوع تناول الكبده والقرفة والحلبة مطلقا خلال هذه الفترة ويفضل أكل الخضراوات والفواكه الطازجة .
3) الامتناع عن الجماع او اي فعل يؤدي الي الاثارة الجنسية لأن ذلك يؤدي الي احتقان بالحوض واضطرابات وانقباضات حول الرحم مما قد يضر بالأجنة .
4) من الممكن ممارسة حياتك بشكل طبيعي مثل الاستحمام والصلاة ( كاملة بما في ذلك السجود ).
5) من الطبيعي الشعور بألم أو مغص أسفل البطن وهذا نتيجة شفط البويضات ، ويمكن أخذ 2 قرص بارامول Paramol عند اللزوم وكاشتراطات عامة :يجب ان تكون الفترة بين الجرعة الأولي والثانية لا تقل عن 4 ساعات ولا تزيد عدد الأقراص عن 8 أقراص يوميا .
يا رب اكن افدك ويا ريت تلتزمي بالتعليمات دي علي قد ما تقدري وربنا معاكي يا رب ونفرح بخبر حملك ان شاء الله
متتصوريش انا نفسي اسمع انك حااامل جدا وربنا العالم ربنا يوفقك