شيمو يا قمرة


انا برضو من رأى بوبا

الراجل مفتحش بقه
و بعدين حرام تاخديه بذنب مامته
و بعدين هى اصلا مالها حاشرة نفسها ليه؟
هى لسة متعودة انه تبعها
لأ دا خلاص بقى ليه حياته و مسؤل عنك و عن بيته
عنك دى ازاى يعنى؟
انه يطبطب عليكى كل ما يعدى مثلا؟

بصى انا لما كنت فى مصر و كنت بشتغل كان فلوسى على فلوس جوزى كانت بتتحط فى الدرج و نسحب منها احنا الاتنين و محدش يعرف مين صرف ايه من ايه
و كنا مبسوطين جدا جدا على كدة



ربنا يهديلك حماتك

شوفو بقى اخبارى الحلوة

انتو عارفين طبعا ان ده الشهر التانى فى التنشيط والتلقيح
والنفسية مرة فوق ومرة تحت ومش قادرة انزل مصر اجازة طويلة عشان اعمل حقن ولا شئ لان لسة رصيد اجازاتى مش كبير قوى يعنى بالكتير 15 يوم بس
فقررت ان شاء الله انا وجوزى انى انزل مصر الشهر الجاى لوحدى وده هيكون على حسب نتيجة التلقيح طبعا اذا ربنا اراد مش هنزل
واذا مكانش هنزل مصر لمده 20 يوم تقريبا واهو منها اشوف ماما وبابا واخواتى لانى بقالى سنتين مشفتش بابا واخواتى لان ماما طبعا كانت عندى هنا من شهرين ومنها برضه اريح النفسية شوية ومنها برضه انى احول اخد معايا نتايج العلاج اللى عملتها هنا الفترة اللى فاتت دى كلها واروح بيها لدكتور كويس اعمل عنده الحقن وده ممكن لو ربنا مش رايد طبيعى او بالتلقيح يكون على اغسطس اللى جاى لانى ساعتها اقدر اخد اجازة لمدة 45 يوم بالكتير قوى
وبرضه عملت حسابى ان الفترة اللى هنزل فيها هتكون قبل التبويض بتاع الشهر الجديد يعنى مش هضيع الشهر ولا حاجة

وسبحان الله امبارح ربنا حط فى طريقى كده بالصدفة دكتور مصرى هنا تخصصه الاجنة وتقشير البويضات والحاجات دى وهو دكتور مساعد فى طب عين شمس ويعرف كل مراكز الحقن فى مصر وعلى علاقة باغلب الدكاترة هناك بس هو رشح لى دكتور اسمه محمد فارس او حاجة فارس والله نسيت بس قالى انه قريب من سور نادى الشمس فى مدينة نصر
ياترى حد فيكم يعرفه ؟ انا قلت قبل ما انزل اكيد هاخد العنوان مظبوط من الدكتور ده بس محتاجة نصيحتكم برضه لو حد سمع عنه قبل كده والدكتور ده بيقولى حاجة غريبة قوى بيقولى ان تكلفة الحقن عنده من 5000 الى 10000 على حسب الحالة والارقام دى ماسمعتهاش قبل كده بالنسبة لعمليات الحقن بس انا فاكرة مرة ان صديقة ليا قالتلى ان اخت زوجها عملتها فى مصر ب 4000 جنيه
والدكتور ده شدد عليا ما اعملهاش هنا لان هنا تكلفتها اللى بياخدها المركز 10 اضعاف التكلفة الحقيقية

انا بقى هقول لكم انا مبسوطة قوى انى نازلة مصر بعد الغيبة الطويلة دى واللى مضايقنى بس ان جوزى مش هيقدر ينزل معايا
ونفسى قوى اشوفكم عن قرب لما انزل مصر
ويلا بقى اللى نفسه فى حاجة من هنا يأمر وبجد والله مش عزومة مراكبية جربوا وانتو تشوفو

والله برافو عليكى ياكوكر انك بداتى تمشى
خطوة احيكى عليها
والله يعينك يابنتى على النقل انا من ساعة ماجيت الكويت عزلت 4 مرات لما اتخنقت بس الحمد لله اخيرا لقيت شقة تحفة فى ميدان حولى وايجارها معقول ومساحتها حلوة فقولت عمرى ماهعزل تانى
الا صحيح انتى كنتى ساكنة فين وهتنقلى فين
لو محتاجة اى حاجة فى النقل اامرينى

هيا ننشر الخير

ربنا يكرمك يا حبيبتى

انا بستخدم كريم موزكير فعلا
بس اللى جه لكريم دا فطريات من المضاد الحيوى يعنى مالوش علاقة بالتغيير "انا كنت متأكدة من كدة لانى مهسهسة فى تغيير البامبرز ليه"
و على فكرة ميرسى للمعلومة الحلوة بتاعة ان الزنك يلهب
لانى بذاكائى كنت قبل ما اروح للدكتورة كنت بعمله "المعجون العجيب" كنت بحط كيناكومب + كريم موزركير + سودوكريم و اعجنهم بقى و اهيص
فقالتلى بلاش كينا كومب عشان فيه كورتيزون
و كتابتلى على كريم اسمه "كانستين" برضو ودا الالتهاب على طول حطتهوله بالليل الصبح كان الحمد لله كويس
بس قالتلى انه استمر اسبوع بعد ما الالتهاب يروح خالص

بس انا سمعت برضو على الكريم اللى بتقولى عليه حسأل اذا كان موجود هنا حجيبه برضو


ربنا يكمرك يا حبيبتى
و يبعد التسلخات عن ....... العيال كلها

يارب يا ام مريم نسمع خبر حملك النهاردة